Петынг

Deveria, Achille

Петынг (англ. petting) — дасягненне палавымі партнёрамі аргазму шляхам узаемных ласкаў эрагенных зон (пацалункі, абдымкі, пагладжванні, сумеснае трэнне геніталій і г. д.) без палавога акту. Гэтая форма займае прамежкавае становішча паміж мастурбацыяй і сучаснымі палавымі зносінамі.

Першапачаткова петынг быў асабліва распаўсюджаны ў тых краінах, дзе праз маральныя патрабаванні і звычаі высока шанавалася цнатлівасць жанчыны. І наадварот, там, дзе грамадства памяркоўна ставілася да дашлюбнага палавога жыцця, петынг быў распаўсюджаны ў меншай ступені. Акрамя захавання цнатлівасці жанчыны да ўступлення ў шлюб, да петынгу звяртаюцца таксама ў мэтах засцярогі ад цяжарнасці, прафілактыкі венерычных захворванняў, для ўзбагачэння і разнастайнасці палавога жыцця, для ўзнаўлення палавой актыўнасці пры яе парушэнні (рэкрэацыйная функцыя).

У залежнасці ад жадання партнёраў петынг можа быць павярхоўным, глыбокім, або верхнім (некінг).

• Некінг абмяжоўваецца ласкамі твару, шыі, галавы, грудзей, саскоў.
• Пры павярхоўным петынгу палюбоўнікі лашчаць адзін аднаго, не здымаючы адзення.
• Глыбокі петынг: у гэтым выпадку палюбоўнікі пакрываюць адзін аднаго ласкамі абсалютна аголенымі, выкарыстоўваючы ўсе часткі цела, у тым ліку і геніталіі, часта з мэтай дасягнуць аргазму. Часта аральны секс таксама адносяць да глыбокага петынгу.

Насуперак распаўсюджанаму меркаванню, петынг не заўсёды бяспечны. Пры дотыку палавым членам палавых вуснаў (нават без пранікнення) высокая верагоднасць пераносу інфекцыі, а таксама магчыма трапленне ў похву спермы і цяжарнасць.

Гл. таксама

• Фратэрызм
• Вестыбюлярны коітус

Літаратура

• Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6. — 576 с. — 10 000 экз. — ISBN 985-11-0035-8. — ISBN 985-11-0106-0 (т. 6).

Спасылкі

• Падрабязней аб петынгу