Беластоцкі павет (Расійская імперыя)

Беластоцкі павет — адміністрацыйна-тэрытарыяльная адзінка ў Расійскай імперыі і Польшчы ў 19—20 ст.

Утвораны ў 1808 у складзе Беластоцкай вобласці, з 1842 у Гродзенскай губерні. Цэнтр — г. Беласток. Плошча 2904 Шаблон:Км2, насельніцтва 210 132 чалавек (1897). Падзяляўся на 12 воласцей. У Першую сусветную вайну ў 1915—1918 гадах акупіраваны германскімі войскамі, з канца 1918 года ў складзе адноўленай Польшчы, з 2.8.1919 года ў Беластоцкім ваяводстве, падзяляўся на гміны (былыя воласці), 231,5 тыс. жыхароў (1919). З 2.11.1939 у БССР, з 4.12.1939 увайшоў у Беластоцкую вобласць, дзе 15.1.1940 паветы скасаваны і праведзена раянаванне, у тым ліку створаны Беластоцкі раён. Паводле дагавора «Аб савецка-польскай дзяржаўнай граніцы» ад 16.8.1945 тэрыторыя былога Беластоцкага павета перайшла да Польшчы.

Літаратура

• Беларуская энцыклапедыя: У 18 т. Т.3: Беларусы — Варанец / Рэдкал.: Г. П. Пашкоў і інш — Мн.: БелЭн, 1996. — Т. 3. — 511 с. — 10 000 экз. — ISBN 985-11-0068-4 (т. 3).