Езярышчанскі раён

Езярышчанскі раён — адміністрацыйна-тэрытарыяльная адзінка БССР у 1924—1929 і 1958—1962 гадах.

Утвораны 17 ліпеня 1924 года ў складзе Віцебскай акругі. Цэнтр — Езярышча. Падзяляўся на 8 сельсаветаў. 12 кастрычніка 1929 года раён скасаваны, яго тэрыторыя далучана да Гарадоцкага раёна. 12 лютага 1935 года ўтвораны Мехаўскі раён з цэнтрам Езярышча, які 18 сакавіка 1958 года перайменаваны ў Езярышчанскі раён. Быў у складзе Віцебскай вобласці. Уключаў гарадскі пасёлак Езярышча і 9 сельсаветаў (у 1960 годзе — 11 сельсаветаў). 25 снежня 1962 года раён скасаваны, яго тэрыторыя далучана да Гарадоцкага раёна.

Літаратура

• Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш.. — Мн.: БелЭн, 1998. — Т. 6. — 576 с. — 10 000 экз. — ISBN 985-11-0106-0 (т. 6).
• Белорусская ССР: Краткая энциклопедия. В 5-ти т. т. 1 / Ред. колл.: П. У. Бровка и др. — Мн.: Гл. ред. Белорус. Сов. Энциклопедии, 1979. — Т. 1. — 768 с. — 50 000 экз. (руск.)