Цэнтральная навуковая бібліятэка імя Я. Коласа НАН Беларусі

Цэнтральная навуковая бібліятэка імя Якуба Коласа Нацыянальнай акадэміі навук Беларусі
Краіна	Беларусь
Адрас	Беларусь, Мінск , вул. Сурганава, 15,
Заснавана	16 лютага 1925
Філіялы	11
Фонд
Склад фонду	нацыянальныя і замежныя навуковыя дакументы ўніверсальнага профіля
Аб'ём фонду	каля 5 млн. адзінак
Доступ і карыстанне
Абслугоўванне
Іншая інфармацыя
Дырэктар	Аляксандр Іванавіч Груша, канд. гіст. навук
Вэб-сайт	csl.bas-net.by

Цэнтральная навуковая бібліятэка імя Я. Коласа НАН Беларусі англ.: The Yakub Kolas Central Scientific Library of National Academy of Sciences of Belarus (афіцыйная назва Дзяржаўная ўстанова «Цэнтральная навуковая бібліятэка імя Якуба Коласа Нацыянальнай акадэміі навук Беларусі») — найбуйнейшая інфармацыйная ўстанова, якае забяспечвае дзейнасць вучоных і спецыялістаў Рэспублікі Беларусь.

Гісторыя

Бібліятэку заснавалі 16 лютага 1925 года пры Інстытуце беларускай культуры. Ад заснавання яна атрымлівала абавязковы асобнік усёй перыёдыкі Расіі. У 1926 годзе вяла абмен з 100 кнігасховішчамі СССР і 74-ма ў ЗША, Канадзе, Германіі, Польшчы і Францыі. У 1927 годзе мела 32230 кніг, выпісвала 69 савецкіх і 23 замежных найменняў часопісаў. Паводле пастановы ўраду Беларускай ССР ад 15 студзеня 1934 года пачала атрымліваць поўны абавязковы асобнік кніг, брашур і перыядычных выданняў, геаграфічных і тапаграфічных карт. Пастановай № 630 ад 25 мая 1948 г. урад Беларускай ССР надаў бібліятэцы імя Вісарыёна Бялінскага. З 1956 года носіць імя Якуба Коласа (1882—1956). У 1959 годзе яна вяла абмен з 192 кнігасховішчамі СССР і 153-ма замежнымі ў 32 краінах. У 1965 мела 6 тыс. чытачоў, якім выдала 300 тыс. кніг. У 1967 годзе атрымала 7-павярховы будынак з 10-ярусным кнігасховішчам. За 590 тыс. наведванняў у 2009 годзе 37 тыс. чытачоў атрымалі 1801 тыс. выданняў.

Кіраўнікі:

1. Ян Серада (1925—1927)
2. Клімент Гурвіч (1927-1929)
3. Дзмітрый Даўгяла (1929-1937)
4. Барыс Сянько (1937)
5. Іван Косараў (1937-1941)
6. Восіп Шыманоўскі (1941-1950)
7. М. А. Вільгусевіч (1950-1952)
8. Ф. В. Сцепанюк (1952-1960)
9. Міхаіл Стрыжонак (1961—1994)
10. С. М. Емяльянава (1994-1998)
11. Наталля Бярозкіна (1998—2013)
12. Аляксандр Іванавіч Груша (з 2014).

Аддзелы

Кабінет Пятра Глебкі, аддзел рэдкіх кніг і рукапісаў

ЦНБ падзяляецца на 17 аддзелаў:

1. міжнародных сувязяў (з 1926-га; да 2001-га — міжнароднага кнігаабмену),
2. арганізацыі асноўнага фонду (з 1949-га),
3. бібліяграфічны (з 1952-га),
4. камплектавання літаратуры (з 1952-га),
5. абслугоўвання чытачоў (з 1955-га),
6. рэдкіх кніг і рукапісаў (з верасня 1964-а),
7. бібліятэказнаўства (з 1969 года),
8. электронных рэсурсаў (з 2001-га),
9. экалагічна-інфармацыйны (з 4 снежня 2003 г.),
10. сацыякультурнай і інфармацыйнай дзейнасці (з 2003-га),
11. апрацоўкі дакументаў (з мая 2007-га),
12. сістэматызавання дакументаў (з мая 2007-га),
13. карпаратыўных узаемінаў (з 2009-га),
14. маркетынгавых даследаванняў (з 2011-га),
15. гаспадарчы,
16. капіравання і пераплёту,
17. праграмнага і тэхнічнага забеспячэння даследаванняў.

Спасылкі

• Афіцыйны сайт Цэнтральнай навуковай бібліятэкі імя Я. Коласа НАН Беларусі
• Віртуальная Даведкавая Служба Цэнтральнай навуковай бібліятэкі імя Я. Коласа НАН Беларусі
• Электронны Каталог Цэнтральнай навуковай бібліятэкі імя Я. Коласа НАН Беларусі
• Экалагічны інфармацыйны цэнтр «Эка-Інфа» Цэнтральнай навуковай бібліятэкі імя Я. Коласа НАН Беларусі
• Цэнтральная навуковая бібліятэка імя Я. Коласа НАН Беларусі на сайце Нацыянальнай акадэміі навук Беларусі (Праверана 15 лістапада 2011)
• Цэнтральная навуковая бібліятэка імя Я. Коласа НАН Беларусі на сайце Нацыянальнай бібліятэкі Беларусі (Праверана 15 лістапада 2011)
• Афіцыйны твіттер-аккаунт Цэнтральнай навуковай бібліятэкі імя Я. Коласа НАН Беларусі
• Афіцыйны аккаунт Цэнтральнай навуковай бібліятэкі імя Я. Коласа НАН Беларусі на facebook.com
• Афіцыйны аккаунт Цэнтральнай навуковай бібліятэкі імя Я. Коласа НАН Беларусі ў vk.com