Касцёл Святых Апосталаў Пятра і Паўла (Бабруйск): Розніца паміж версіямі
[дагледжаная версія] | [дагледжаная версія] |
др CzechoBot перанёс старонку Касцёл Святых Апосталаў Пятра і Паўла, Бабруйск у Касцёл Святых Апосталаў Пятра і Паўла (Бабруйск): робат перан... |
Няма тлумачэння праўкі |
||
Радок 62: | Радок 62: | ||
[[Катэгорыя:Касцёлы Мінска-Магілёўскай архідыяцэзіі|Бабруйск]] |
[[Катэгорыя:Касцёлы Мінска-Магілёўскай архідыяцэзіі|Бабруйск]] |
||
[[Катэгорыя:Збудаванні Беларусі ў стылі барока|Бабруйск]] |
[[Катэгорыя:Збудаванні Беларусі ў стылі барока|Бабруйск]] |
||
[[Катэгорыя: |
[[Катэгорыя:Касцёлы Бабруйска]] |
||
[[Катэгорыя:Храмы Святых Пятра і Паўла|Бабруйск]] |
[[Катэгорыя:Храмы Святых Пятра і Паўла|Бабруйск]] |
Версія ад 22:31, 18 жніўня 2018
Каталіцкі храм | |
Касцёл Святых апосталаў Пятра і Паўла | |
---|---|
| |
53°08′12,72″ пн. ш. 29°14′54,24″ у. д.HGЯO | |
Краіна | Беларусь |
Горад | Бабруйск |
Канфесія | Рымска-каталіцкая царква |
Архітэктурны стыль | Барока |
Архітэктар | гл. тэкст |
Будаўніцтва | 1746—1780 гады |
Медыяфайлы на Вікісховішчы |
Касцё́л Святы́х Апосталаў Пятра́ і Па́ўла — помнік архітэктуры XVII—XVIII стагоддзяў, былы езуіцкі касцёл. Разам з кляштарам быў цэнтрам Бабруйскай езуіцкай рэзідэнцыі.
Гісторыя
Заснаваны ў 1615 на фундацыю бабруйскага старосты Пятра Трызны. У 1625 касцёл быў перададзены езуітам. Сярод архітэктараў касцёла вядомыя Уладзіслаў Дзягілевіч (1699—1700), Казімір Мацелякоўскі (1735—1736), Тамаш Жаброўскі (1746), Габрыэль Лянкевіч (1747—1748) і Францішак Карава (1757—1758). Вядома таксама пра ўдзел у будаўніцтве ў 1732—1747 муляра Якуба Руофа.
Пры будаўніцтве ў ХІХ стагоддзі Бабруйскай крэпасці вежы касцёла былі знішчаны, а сам ён быў карэнным чынам перабудаваны пад цэйхгаўз. У 1885 годзе касцёл дадаткова пацярпеў ад пажару. За савецкім часам у будынку касцёла была гаўптвахта.
Архітэктура
Касцёл быў пабудаваны ў стылі барока. Уяўляў сабой трохнефавую базіліку без трансепту, меў дзве вежы, на адной з якіх быў гадзіннік з боем, а на другой — матэматычны компас. Вежы падзяліліся на тры ярусы, паміж верхнімі чацверыкамі змяшчаўся фігурны франтон з валютамі. Прэзбітэрый меў паўкруглае завяршэнне, па баках вімы размяшчаліся дзве сіметрычныя сакрысціі.
Унутры нефы былі перакрыты цыліндрычнымі скляпеннямі з распалубкамі на здвоеных папружных арках, якім на фасадах адпавядалі здвоеныя пілястры, у чым можна бачыць прыкмету позняга барока. Пры ўваходзе мясціўся «хор мураваны на 2 філярах са сходамі з абодвух бакоў». Невялікія хоры размяшчаліся таксама над сакрысціямі. Галоўны аўтар, які ўключаў 8 познебарочных скульптураў святых (у тым ліку скульптуры Святых Ігната, Бергіяша, Ксаверыя, Станіслава), 6 бакавых аўтароў, амбону, усё сакральнае начынне інтэр'еру былі драўлянымі і былі зроблены майстрамі Іосіфам Шылам і Антонам Марціноўскім. На сценах меўся фрэскавы жывапіс, а сярод абразоў знаходзіліся сармацкія данатарскія партрэты караля Жыгімонта Вазы і Пятра Трызны.
Спасылкі
Касцёл Святых Апосталаў Пятра і Паўла (Бабруйск) на Вікісховішчы |
- Інфармацыя на сайце Рымска-каталіцкай парафіі Беззаганнага Зачацця Найсвяцейшай Дзевы Марыі ў Бабруйску
- Тамара Габрусь. Наша «езуіцкае» барока.
- Касцёл Святых Апосталаў Пятра і Паўла (Бабруйск) на сайце Radzima.org
- Касцёл Святых Апосталаў Пятра і Паўла (Бабруйск) на сайце Глобус Беларусі (руск.)
Літаратура
- Габрусь Т. В. Мураваныя харалы: Сакральная архітэктура беларускага барока / Т. В. Габрусь. Мн.: Ураджай, 2001.— 287 с.: іл. ISBN 985-04-0499-X, с. 158-159.