1920 год у гісторыі беларускага выяўленчага мастацтва

Давыд Якерсон «Спартсмэнка» (не захавалася)

1920 год быў адзначаны шэрагам падзей, якія пакінулі прыкметны след у гісторыі беларускага выяўленчага мастацтва.

Падзеі

• 17 студзеня — Арганізацыйнае пасяджэнне групы маладых кубістаў (з хронікі СНОМАСа, якую вёў Іван Гаўрыс), Віцебск
• 28 студзеня — Віцебскія вышэйшыя мастацка-практычныя майстэрні святкавалі свае першыя ўгодкі. У гонар юбілею ў навучальнай установе была арганізавана «Другая справаздачная выстава вучняў»
• 6 лютага — мітынг-спектакль «Перамога над сонцам». супрэматычны балет, Віцебскія вышэйшыя мастацка-практычныя майстэрні
• 5 чэрвеня — Марк Шагал пакінуў Віцебск
• 19 чэрвеня Вера Ермалаева ўзначаліла мастацкія майстэрні і заняла пасаду дырэктара Віцебскіх вышэйшых мастацка-практычны майстэрняў паводле загада Аддзела ІЗО НКП РСФСР
• Казімір Малевіч вяртаецца ў Віцебскія дзяржаўна-мастацкія майстэрні ў якасці кіраўніка створаннага ім СНОМАСа

З’явіліся

• помнік Карлу Марксу, Віцебск, скульптар Давыд Якерсон
• авангарднае мастацкае аб’яднанне «СНОМАС» (Сцвярджальнікі новага мастацтва), створанае Казімірам Малевічам у складзе Віцебскіх дзяржаўна-мастацкіх майстэрань, сябрамі якога сталі Лазар Лісіцкі, Вера Ермалаева, Мікалай Суэцін, Ілля Чашнік, Леў Юдзін і інш.
• філіялы «СНОМАС» (Сцвярджальнікі новага мастацтва) ў Петраградзе, Самары, Пермі, філіал ў Смаленску, які арганізавалі Уладзіслаў Страмінскі і Кацярына Кобра
• кнігі Казіміра Малевіча «Бог не скінуты», «Мастацтва, царква, фабрыка», «Супрэматызм»

Нарадзіліся

• 23 студзеня — Пётр Данелія (пам. 2012), беларускі мастак. Заслужаны дзеяч мастацтваў Беларусі (1995)
• 18 жніўня — Леў Мільчын (пам. 1987), савецкі рэжысёр і мастак анімацыйнага кіно, педагог. Заслужаны мастак РСФСР (1979). Нарадзіўся ў Мінску ў сям’і яўрэйскага мастака Ісаака Мільчына, які ў 1941 загінуў у гета разам з жонкай і дачкой
• 20 верасня — Міхаіл Зялёнкін (пам. 1991), беларускі мастак, Герой Савецкага Саюза (1946)
• 21 кастрычніка — Іван Фяцісаў (пам. 1994), беларускі мастак. Заслужаны дзеяч культуры Беларусі (1989)

Галерэя твораў

• 
  Якаў Балглей. «Партрэт дзіцяці»
• 
  Давыд Якерсон. «Партрэт юнака» (Аўтапартрэт). Папера, туш, пяро
• 
  Давыд Якерсон. «Супрэматычная фігура, якая сядзіць»
• 
  Давыд Якерсон. «Супрэматычная кампазіцыя»
• 
  Давыд Якерсон. «Чорны і вохрысты прастакутнікі, брус»