Канстанцін Мікалаевіч Аляксееў

Канстанцін Мікалаевіч Аляксееў
Дата нараджэння	27 сакавіка 1943(1943-03-27) (81 год)
Месца нараджэння	Файзабад[d], Файзабадскі раён[d], раёны рэспубліканскага падпарадкавання Таджыкістана[d], Таджыкістан
Альма-матар	БПІ (1968)
Месца працы	Магілёўграмадзянпраект Магілёўскі філіял камбіната «Мастацтва»[d] Мінскі гарадскі выканаўчы камітэт Міністэрства архітэктуры і будаўніцтва Рэспублікі Беларусь
Партыя	КПСС
Член у	Беларускі саюз архітэктараў

Канстанцін Мікалаевіч Аляксееў (27 сакавіка 1943, г. Файзабад, Таджыкістан) — беларускі архітэктар.

Біяграфія

Скончыў у 1968 годзе архітэктурнае аддзяленне Беларускага політэхнічнага інстытута (выкладчыкі: Н. М. Макляцова, А. П. Воінаў, В. І. Анікін).

У 1971—1981 гадах галоўны архітэктар г. Магілёва. Член Беларускага саюза архітэктараў з 1972. У 1981—1987 гадах галоўны архітэктар АКМ-1 інстытута «Магілёўграмадзянпраект»; у 1987—1994 гадах дырэктар Магілёўскага камбіната «Мастацтва», у 1990—1994 гадах старшыня Магілёўскай абласной арганізацыі Саюза архітэктараў Беларусі.

У 1994—1996 гадах намеснік старшыні камітэта архітэктуры Мінгарвыканкама, галоўны мастак г. Мінска; З 1996 года начальніка упраўлення Міністэрства архітэктуры і будаўніцтва Беларусі. У 2007 годзе выйшаў у адстаўку з пасады намесніка начальніка аддзела.

Творчасць

Асноўныя творчыя працы: жылыя дамы па вул. Першамайскай і пр. Міру (1972—1975, у суаўтарстве з А. Ц. Кучарэнка і Ю. Дабравольскім); комплекс помніка «Змагарам за Савецкую ўладу» (1982, у суаўтарстве з архітэктарам А. Івановым, скульптар — Л. М. Гумілеўскі); Помнік-мемарыял байцам батальёну міліцыі (1983 аўтар праекта, скульптар Кавалёў) у Магілёве; адміністрацыйны будынак Бабруйскага гарвыканкама (1985, у суаўтарстве з архітэктарам Ю. В. Шпітам); адміністрацыйны будынак Магілёўскага гаркама КПБ (Філіял Беларускай кансерваторыі) (1988, аўтар праекта), будынак дыягнастычнага цэнтра ў г. Магілёве (1989, у суаўтарстве з Г. Аляксеевай), праект дзіцячага дыягнастычнага цэнтра (1993, не рэалізаваны); прыбудова да будынка Дома Саветаў (1995, у суаўтарстве з архітэктарам Э. А. Юшка) у Магілёве.

Узнагароды

Узнагароджаны прэміяй МУС СССР за стварэнне помніка-мемарыяла байцам батальёна міліцыі пад камандаваннем капітана Уладзімірава (1984).

Літаратура

• Алексеев Константин Николаевич // Кто есть Кто в Республике Беларусь. Архитекторы Беларуси. / Редакционный совет: И. В. Чекалов (пред.) и др. — Минск: Энциклопедикс, 2014. — 140 с. — ISBN 978-985-7090-29-7. (руск.)