ФК Славія Мазыр

Славія
Поўная назва	КСУП «Футбольны клуб „Славія-Мазыр”»
Заснаваны	1987
Горад	Мазыр, Беларусь
Стадыён	«Юнацтва» Умяшчальнасць: 5353
Дырэктар	Андрэй Васілец
Галоўны трэнер	Міхаіл Марціновіч
Чэмпіянат	Вышэйшая ліга
2018	▲ 1 месца ў Першай лізе
Сайт	Афіцыйны сайт
Асноўная форма Гасцявая форма

«Славія-Мазыр» — беларускі футбольны клуб з горада Мазыр, заснаваны ў 1987 годзе. Па выніках сезону 2018 каманда атрымала месца ў Вышэйшай лізе чэмпіянату Беларусі.

Гісторыя

Клуб быў створаны пад назвай «Палессе» ў 1987 годзе. З 1995 па 2005 год выступаў у Вышэйшай лізе Беларусі пад назвай МПКЦ (Мазырскі Прамыслова-Камерцыйны Цэнтр), а з 1998 года — «Славія». Спыніў існаванне пасля няўдалага для клуба сезону 2005 года, які скончыўся вылетам у Першую лігу.

Напачатку 2006 года, у выніку аб’яднання гомельскага ЗЛіНа і «Славіі» быў створаны новы клуб – «Мазыр-ЗЛІН». Пры аб’яднанні за аснову была ўзята каманда ЗЛіН, пры гэтым новы клуб ствараўся ў Мазыры на матэрыяльнай базе «Славіі», што спыніла існаванне. З пачатку 2007 года клуб выступаў пад назвай «Мазыр». Па заканчэнні сезону 2007 кіраўніцтвам горада было вырашана вярнуць камандзе назву «Славія-Мазыр». У 2011 годзе клуб заняў першае месца ў Першай лізе чэмпіянату Беларусі і заваяваў права выступаць у наступным сезоне ў Вышэйшай лізе.

У Вышэйшай лізе «Славія» не паказвала добрых вынікаў. У сезоне 2012 мазырскі клуб доўгі час ішоў у зоне вылету, але сумеў пазбегнуць яго, заняўшы 10 месца. У сезоне 2013 «Славія» хутка апынулася на апошнім радку і, нягледзячы на неблагую гульню ўлетку, не змагла яго пакінуць. У выніку каманда зноў вылецела ў Першую лігу.

У сезоне 2014 змяніўся амаль увесь склад каманды. Новы галоўны трэнер Юрый Пунтус зрабіў стаўку на шэраг ветэранаў і перспектыўных маладых ігракоў (многія перайшлі да Пунтуса з яго былога клуба — «Смалявічаў-СТІ»). У выніку «Славія» хутка стала аднім з лідараў лігі. У сярэдзіне сезону мазыране разам з мікашэвіцкім «Гранітам» значна адарваліся ад канкурэнтаў. Гарантаваўшы за некалькі тураў да фінішу вяртанне ў Вышэйшую лігу, «Славія» саступіла першае месца «Граніту».

У сезоне 2015 «Славія» захавала склад папярэдняга сезону, узмацніўшыся шэрагам маладых ігракоў з ніжэйшых ліг. Каманда добра пачала выступ у Вышэйшай лізе, апынуўшыся ў сярэдзіне табліцы. У многім гэта адбылося дзякуючы высокім бамбардзірскім паказчыкам нападніка мазыран Дзяніса Лапцева, які ў 13 матчах здолеў забіць 9 галоў. Улетку Лапцеў перайшоў у расійскі клуб «Тосна», а «Славія» стала выступаць горш, неўзабаве наблізіўшыся да зоны вылету. Толькі пасля перамогі ў перадапошнім туры над «Гомелем» (3:1) мазыране гарантавалі месца ў Вышэйшай лізе на наступны сезон. У выніку каманда скончыла чэмпіянат на 10-м радку табліцы.

Сезон 2016 «Славія» прайшла роўна, але на прэтэндавала на высокія месцы, зноў спыніўшыся ў выніку на 10-м радку. Найбольш яркімі момантамі каманды сталі хатняя перамога над чэмпіёнам краіны БАТЭ (2:1), а таксама звышвыніковыя матчы з «Мінскам» — абодва скончыліся перамогамі гаспадароў з лікам 6:2.

Сезон 2017 атрымаўся для мазырскага клуба няўдалым. З пачатку сезону каманда апынулася ўнізе табліцы, аднак мела пеавагу перад «Нафтанам» і «Іслаччу», якія пачалі чэмпіянат з ачковымі штрафамі. У другой палове сезону «Славія» атрымала ўсяго адну перамогу, у той час як «Іслач» стала набіраць ачкі і, перагнаўшы мазырскую каманду, пакінула яе на 15-м месцы. Перад апошнім турам галоўны трэнер Юрый Пунтус быў адхілены ад кіравання камандай, аднак пад кіраўніцтвам Міхаіла Марціновіча «Славія» саступіла ў апошнім туры «Тарпеда-БелАЗ» (0:2), засталася на перадапошнім радку і вылецела ў Першую лігу.

Перад сезонам 2018 Міхаіл Марціновіч быў зацверджаны галоўным трэнерам. Клуб здолеў захаваць асноўных ігракоў, у тым ліку легіянераў Ігара Кастрова і Максіма Слюсара, аднак пры гэтым больш шанцаў атрымала моладзь. Нягледячы на няўдалы старт, «Славія» хутка далучылася да шэрагу лідараў і ў барацьбе з «Энергетыкам-БДУ» і «Белшынай» выйшла пераможцам, за тур да фінішу забяспечыўшы сабе перша радок. «Славія» стала таксама першай камандай у Вышэйшай і Першай лігах Беларусі з іх заснавання ў 1992 годзе, якая за сезон не пацярпела ніводнага паражэння.

Эмблемы

• Гісторыя эмблем «Славіі»
• 
  да 2013 года
• 
  з 2014 года

Папярэднія назвы

• 1987—1994: «Палессе»
• 1995—1997: МВКЦ
• 1998—2005: «Славія»
• 2006: «Мазыр-ЗЛіН»
• 2007: «Мазыр»
• з 2008: «Славія-Мазыр»

Дасягненні

• 01 Чэмпіён Беларусі (2): 1996, 2000
• 02 Срэбраны прызёр чэмпіянату Беларусі (2): 1995, 1999
• Уладальнік Кубка Беларусі (2): 1996 і 2000
• Пераможца Першай лігі чэмпіянату Беларусі (3): 1994/1995, 2011, 2018

Цяперашні склад

Станам на жнівень 2018 года.

№ Паз. Імя Нар. 22 Бр Міхаіл Бараноўскі 1983 30 Бр Радзівон Сямук 1989 Бр Дзмітрый Кунец 2000 4 Аб Руслан Хадаркевіч 1993 5 Аб Ілья Нечыпарэнка 1998 14 Аб Павел Чалядка 1993 29 Аб Дзяніс Кавалеўскі 1992 31 Аб Ігар Тыманюк 1994 88 Аб Аляксандр Раеўскі 1988 Аб Арцём Гвоздзь 2000 Аб Назар Пачапскі 1999 Аб Арцём Шут 1995 2 ПА Ігар Варанкоў 1981 7 ПА Аляксандр Ануфрыеў 1995

№ Паз. Імя Нар. 9 ПА Дзмітрый Варабей 1985 13 ПА Ігар Кастроў 1987 18 ПА Сямён Калыбенка 1998 27 ПА Вадзім Курловіч 1992 92 ПА Дзмітрый Юрчанка 1998 97 ПА Іван Лузан 1997 98 ПА Дзмітрый Крывашэеў 1998 99 ПА Глеб Шаўчэнка 1999 11 Нап Дзяніс Трапашка 1990 17 Нап Яўген Лебедзеў 1994 34 Нап Арцём Пятрэнка 2000 50 Нап Дзмітрый Хлебасолаў 1990 77 Нап Максім Слюсар 1997 91 Нап Міхаіл Ганчар 1998

Статыстыка выступленняў

Чэмпіянат і Кубак Беларусі

Сезон	Ліга	М	Г	В	Н	П	Галы	Ачкі	Кубак	Заўвагі
1992	Другая (Д2)	7	15	5	6	4	18–22	16	1/32 фінала
1992/93	Другая (Д2)	2	30	22	5	3	54–14	49	1/32 фінала
1993/94	Другая (Д2)	2	28	19	5	4	48–18	43	1/16 фінала
1994/95	Другая (Д2)	1	30	24	3	3	106–17	51	Чвэрцьфінал	Выхад у Першую лігу
1995	Першая (Д1)	2	15	11	3	1	44–9	36	Пераможца
1996	Першая (Д1)	1	30	24	4	2	64–17	76	1/8 фінала
1997	Першая (Д1)	6	30	12	7	11	39–30	43	Чвэрцьфінал
1998	Вышэйшая (Д1)	6	28	12	9	7	41–36	45	Фіналіст	Змена назваў ліг
1999	Вышэйшая (Д1)	2	30	20	5	5	74–25	65	Пераможца
2000	Вышэйшая (Д1)	1	30	23	5	2	78–25	74	Фіналіст
2001	Вышэйшая (Д1)	7	26	13	5	8	49–27	44	Чвэрцьфінал
2002	Вышэйшая (Д1)	11	26	6	6	14	38–61	24	1/8 фінала
2003	Вышэйшая (Д1)	14	30	6	7	17	29–64	25	1/16 фінала
2004	Вышэйшая (Д1)	12	30	9	4	17	32–51	31	1/8 фінала
2005	Вышэйшая (Д1)	14	26	2	5	19	14–60	11	1/8 фінала	Вылет у Першую лігу
2006	Першая (Д2)	4	26	11	10	5	44–24	43	1/16 фінала
2007	Першая (Д2)	13	26	4	6	16	26–44	18	1/16 фінала
2008	Першая (Д2)	13	26	6	5	15	33–62	23	1/16 фінала
2009	Першая (Д2)	13	271	5	8	14	23–41	23	1/8 фінала
2010	Першая (Д2)	9	30	10	7	13	33–44	37	1/16 фінала
2011	Першая (Д2)	1	30	22	5	3	53–15	71	1/16 фінала	Выхад у Вышэйшую лігу
2012	Вышэйшая (Д1)	10	30	7	6	17	22–58	27	1/8 фінала
2013	Вышэйшая (Д1)	12	32	5	8	19	24–47	23	1/8 фінала	Вылет у Першую лігу
2014	Першая (Д2)	2	30	18	6	6	55–38	60	1/16 фінала	Выхад у Вышэйшую лігу
2015	Вышэйшая (Д1)	10	26	7	5	14	33–50	26	1/8 фінала
2016	Вышэйшая (Д1)	10	30	9	8	13	33–49	35	1/8 фінала
2017	Вышэйшая (Д1)	15	30	4	8	18	26–50	20	1/16 фінала	Вылет у Першую лігу
2018	Першая (Д2)	1	28	21	7	0	69–13	70	1/8 фінала	Выхад у Вышэйшую лігу

• ¹ Улічваючы дадатковы матч за права застацца ў Першай лізе супраць шклоўскага «Спартака» (перамога 2:1).

Міжнародныя кубкі

Сезон	Кубак	Раўнд	Клуб		Першыя матчы	Адказныя матчы	Вынік
1996—1997	Кубак Кубкаў	Папярэдні раўнд		Рэйк’явік	2:2 (Х)	0:1 (Г)	2:3
1997—1998	Ліга чэмпіёнаў	1 к/р		Канструктарул (Кішынёў)	1:1 (Г)	3:2 (Х)	4:3
		2 к/р		Алімпіякос (Пірэй)	0:5 (Г)	2:2 (Х)	2:7
1997—1998	Кубак УЕФА	1 раўнд		Дынама (Тбілісі)	1:1 (Х)	0:1 (Г)	1:2
2000—2001	Кубак УЕФА	1 к/р		Макабі (Хайфа)	1:1 (Х)	0:0 (Г)	1:1 (в.г. 0:1)
2001—2002	Ліга чэмпіёнаў	1 к/р		ВБ (Вагур)	0:0 (Г)	5:0 (Х)	5:0
		2 к/р		Інтэр (Браціслава)	0:1 (Х)	0:1 (Г)	0:2

Неафіцыйныя турніры

Сезон	Кубак	Раўнд	Клуб		Вынік
1997	Кубак чэмпіёнаў Садружнасці	Група D		Зборная клубаў Расіі	2:5
				Сконта	1:2
				Капетдаг	0:3
2001	Кубак чэмпіёнаў Садружнасці	Група А		Спартак (Масква)	1:3
				Варзоб	1:1
				Каўнас	4:3

Галоўныя трэнеры

• Анатоль Усенка
• Анатоль Юрэвіч (1993 — люты 1997)
• Аляксандр Бубноў (1997 — красавік 1998)
• Аляксандр Кузняцоў (1998 — 2000)
• Улада Петравіч (2000 — жнівень 2001)
• Павел Раднёнак (жнівень 2001 — май 2002)
• Аляксандр Пражнікаў (май 2002 — жнівень 2003)
• Уладзімір Курнеў (жнівень 2003 — студзень 2004)
• Андрэй Сасніцкі (студзень 2004 — жнівень 2005)
• Аляксандр Белан (в. а. ў жніўні 2005)
• Іліе Карп (жнівень — снежань 2005)
• Ігар Фралоў (2006)
• ?
• Вячаслаў Шэўчык (2008)
• Сяргей Ясінскі (снежань 2008 — чэрвень 2009)
• Вячаслаў Шэўчык (чэрвень — жнівень 2009)
• Віталь Паўлаў (жнівень — снежань 2009)
• Юрый Малееў (2010 — студзень 2014)
• Юрый Пунтус (студзень 2014 — лістапад 2017)
• Міхаіл Марціновіч (са студзеня 2018)

Спасылкі

• Афіцыйны сайт