Гомельскі тралейбус

Гомельскі тралейбус
Тралейбусная сістэма
Краіна	Беларусь
Горад	Гомель
Дата адкрыцця	20 мая 1962
Дата зачынення	Дзеючая
Колькасць маршрутаў	22+5 з індэксам «а»
Даўжыня кантактнай сеткі	146,4 км
Колькасць тралейбусных паркаў	2
Колькасць тралейбусаў	каля 200
Мадэлі эксплуатаваных тралейбусаў	Белкамунмаш 201, Белкамунмаш 213, Белкамунмаш 321.
Кошт праезду	55 капеек
Кампанія-перавозчык	КУП «Гарэлектратранспарт»
Сайт кампаніі	http://www.get-gomel.narod.ru/index.html

Гомельскі тралейбус — сістэма тралейбусных ліній у Гомелі. Пачала дзейнічаць 20 мая 1962 года.

Станам на 2014 год тралейбусны рух ажыццяўляецца камунальным унітарным прадпрыемствам «Гарэлектратранспарт». У склад прадпрыемства ўваходзяць два тралейбусныя дэпо на 225 машына-месцаў, 17 лінейных цягавых падстанцый і 135,5 км кантактнай сеткі. Працягласць сілкавальнай сеткі пастаяннага току — 72,8 км.

На долю электратранспарту ў горадзе прыпадае амаль 60 % аб'ёму гарадскіх перавозак, станам на сярэдзіну 2000-х гадоў штодзённы аб'ём перавозак пасажыраў склаў каля 300 000 чалавек.

Гісторыя

Тралейбусны рух у Гомелі запушчаны ў 1962 годзе. Першы маршрут «Вакзал — Дэпо № 1» (цяпер — «Вакзал — Гідрапрывад») быў адкрыты 20 мая 1962 года, яго абслугоўвалі 10 тралейбусаў. У 1976 годзе быў адкрыты другі тралейбусны парк. Першымі мадэлямі тралейбусаў, што абслугоўвалі тагачасныя маршруты, былі ЗІУ-5 (адзін з якіх быў захаваны як музейны экспанат). У 1970—1980-я гады пачалося абнаўленне парка рухомага саставу тралейбусамі ЗіУ-9 (ЗіУ-682). У 1990—2000-я гады пачалося чарговае абнаўленне парка рухомага саставу тралейбусамі вытворчасці Мінскага завода «Белкамунмаш», а менавіта АКСМ-201, АКСМ-213 і АКСМ-321.

У 1999 годзе на балансу КУП «Гарэлектратранспарт» налічвалася 213 тралейбусаў (з іх на лініі 155), у 2006 годзе — 235 (на лініі 179), а ў 2017 годзе - 212.

Канфігурацыя сеткі

Сетка гомельскага тралейбуса — радыяльная. Агульная працягласць кантактнай сеткі складае 135,5 км. Станам на 26 чэрвеня 2008 года колькасць лінейных цягавых падстанцый (ЛЦП) складае 19 — гэта:

• ЛЦП-1 — вул. Тралейбусная (Тралейбусны парк № 1);
• ЛЦП-2 — вул. Рагачоўская (станам на пачатак 2015 года вядзецца рэканструкцыя);
• ЛЦП-3 — ЗВП (за гарадскім выцвярэзнікам);
• ЛЦП-4 — вул. Яраслаўская;
• ЛЦП-5 — з-д Гандлёвага абсталявання;
• ЛЦП-6 — раён Навабеліца (35-ы мікрараён);
• ЛЦП-7 — вул. Хваёвая (зав. Касмічны);
• ЛЦП-8 — раён радыёзавода;
• ЛЦП-9 — вул. Перамогі (за крамай «Мазліва» побач з «Пріорбанкам»);
• ЛЦП-10 — пр-т Кастрычніка (ААТ «Таццяна»);
• ЛЦП-11 — пр-т Касманаўтаў (раён Сельмаша);
• ЛЦП-12 — вул. Каменшчыкава (Валатава);
• ЛЦП-13 — вул. Цімафеінкі (ст. Аэрадром);
• ЛЦП-14 — Рэчыцкая шаша (12-ы мікрараён);
• ЛЦП-15 — вул. Магілёўская (за мостам з Сельмаша на ЗЛІН);
• ЛЦП-16 — ЗЛІН (станам на пачатак 2015 года знаходзіцца ў рэзерве);
• ЛЦП-17 — вул. Антошкіна (Сельмаш — за цэнтрам «Volkswagen» — побач з калоніяй);
• ЛЦП-24 — вул. Хатаевіча (17-ы мікрараён);
• ЛЦП-25 — вул Каменшчыкава (Валатава).

ЛЦП № 18-23 станам на пачатак 2015 года не ўведзены ў эксплуатацыю (большасць з іх толькі ў праекце і не пабудаваныя дагэтуль — некалькі падстанцый закансерваваныя на стадыі будаўніцтва).

Маршруты

Маршрутная сетка Гомеля ўключае ў сябе 29 маршрутаў.

Агульная працягласць вулічнай сеткі з транспартнымі лініямі складае 72,8 км, працягласць тралейбусных маршрутаў — 584 км, сярэдняя даўжыня маршруту — 21,7 км, сярэдняя эксплуатацыйная хуткасць — 17,4 км/г.

№	Маршрут	Дэпо	Рэжым працы	Зноскі
1	Вакзал — Гідрапрывад	Тралейбуснае дэпо № 1	Штодзённа
2	Тэхнічны універсітэт	Тралейбуснае дэпо № 2	Штодзённа	Кальцавы маршрут
3	Завод «Крышталь» — Сонечная	Тралейбуснае дэпо № 1	Панядзелак — пятніца
4	Вакзал — ЗЛіН	Тралейбуснае дэпо № 1	Штодзённа
5	Вакзал — Завод «Крышталь»	Тралейбуснае дэпо № 1	Штодзённа
6	Хімзавод	Тралейбуснае дэпо № 2	Панядзелак — пятніца	Кальцавы маршрут
7	Вакзал — Хімзавод	Тралейбуснае дэпо № 2	Штодзённа
7а	Вакзал — Цэнтраліт	Тралейбуснае дэпо № 2	Штодзённа
8	Тэхнічны універсітэт	Тралейбуснае дэпо № 2	Штодзённа	Кальцавы маршрут
9	Кленкаўскі — Гідрапрывад	Тралейбуснае дэпо № 1	Панядзелак — пятніца
10	Вакзал — Завод самаходных камбайнаў	Тралейбуснае дэпо № 1	Штодзённа
11	ЗЛіН — Тэхнічны універсітэт	Тралейбуснае дэпо № 2	Панядзелак — пятніца
11б	ЗЛіН — Сонечная	Тралейбуснае дэпо № 2	Панядзелак — пятніца
12	Гідрапрывад — Сонечная	Тралейбуснае дэпо № 1,2	Панядзелак — пятніца
12а	Гідрапрывад — Тэхнічны універсітэт	Тралейбуснае дэпо № 2	Панядзелак — пятніца
14	Хімзавод	Тралейбуснае дэпо № 2	Панядзелак — пятніца	Кальцавы маршрут
15	Вакзал — Валатава	Тралейбуснае дэпо № 1	Штодзённа
16	Вакзал — Кленкаўскі	Тралейбуснае дэпо № 1	Штодзённа
17	Кленкаўскі — Стадыён «Гомсельмаш»	Тралейбуснае дэпо № 1	Штодзённа
18	Завод «Крышталь» — Стадыён «Гомсельмаш»	Тралейбуснае дэпо № 1	Панядзелак — пятніца
19	Вакзал — Сонечная	Тралейбуснае дэпо № 2	Штодзённа
19а	Вакзал — Парк «Фестывальны»	Тралейбуснае дэпо № 2	Панядзелак — пятніца
20	Гідрапрывад — Сонечная	Тралейбуснае дэпо № 1,2	Штодзённа
21	Валатава — Завод самаходных камбайнаў	Тралейбуснае дэпо № 1	Панядзелак — пятніца
22	Вакзал — Сонечная	Тралейбуснае дэпо № 2	Субота - нядзеля
22а	Вакзал — Тэхнічны універсітэт	Тралейбуснае дэпо № 2	Субота - нядзеля
23	Валатава — Хімзавод	Тралейбуснае дэпо № 2	Панядзелак — пятніца
25	Клёнкаўскі - Сонечная	Тралейбуснае дэпо № 1,2	Штодзённа

Першае дэпо абслугоўвае маршруты 1, 3, 4, 5, 9, 10, 12, 15, 16, 17, 18, 20, 21, 25, другое дэпо — маршруты 2, 6, 7, 7а, 8, 11, 11б, 12, 12а, 14, 19, 19а, 20, 22, 22а, 23, 25

Галерэя

• 
  АКСМ-201
• 
  АКСМ-213 у Гомелі.
• 
  АКСМ-321
• 
  Кампосцер у гомельскім тралейбусе.

Гл. таксама

• Тралейбус
• Тралейбусны парк
• Транспарт у Гомелі

Спасылкі

• Транспорт в Гомеле — неафіцыйны сайт пра гарадскі пасажырскі транспарт
• Афіцыйны сайт КУП «Гарэлектратранспарт»