Малыя Зводы

Вёска Малыя Зводы Краіна Беларусь Вобласць Брэсцкая Раён Брэсцкі Сельсавет Лышчыцкі Каардынаты 52°18′56″ пн. ш. 23°27′44″ у. д. Насельніцтва ▼399 чал. (2009) Часавы пояс UTC+3 Тэлефонны код +375 162 Паштовыя індэксы 224704 Аўтамабільны код 1 СААТА 1212820031 SOATO 1 212 820 031 Малыя Зводы на карце Беларусі ±

Малыя Зводы на Вікісховішчы

Малы́я Зво́ды (трансліт.: Malyja Zvody, руск.: Малые Зводы) — вёска ў Брэсцкім раёне Брэсцкай вобласці. Уваходзіць у склад Лышчыцкага сельсавета. Размешчаны за 31 кіламетр на паўночны захад ад Брэста, 6 кіламетраў ад чыгуначнай станцыі Лышчыцы.

Гісторыя

У 19 стагоддзі вёска ў Брэсцкім павеце Гродзенскай губерні. У 1861 годзе цэнтр маёнтка, які належаў пану Гутоўскаму. У гэтым жа годзе прыхаджанамі пабудавана праваслаўная драўляная царква, якую наведвалі 1478 чалавек з 6 вёсак. У 1886 годзе сяло ў Лышчыцкай воласці ва ўрочышчы Гашчэй, працавалі царкоўна-прыходская школа і карчма. У 1889 годзе працавала народнае вучылішча. У 1890 годзе ўладальнікам маёнтка быў Б.Гутоўскі.

У 1905 годзе сяло ў 243 жыхары і фальварак (18 жыхароў) у Лышчыцкай воласці.

Паводле Рыжскага мірнага дагавора ў складзе Польшчы, Лышчыцкай гміне Брэсцкага павета Палескага ваяводства.

У 1939 годзе ў складзе БССР.

У Вялікую Айчынную вайну загінулі на фронце 10 жыхароў, 3 — у партызанах.

У 1972—1982 гадах цэнтр Малазводскага сельсавета. 18 кастрычніка 1982 года сельсавет скасаваны, вёска перададзена ў склад Лышчыцкага сельсавета Брэсцкага раёна.

Інфраструктура

• Базавая школа
• Бібліятэка
• Фельчарска-акушэрскі пункт
• Аддзяленне сувязі.

Насельніцтва

• 49 мужчын, 59 жанчын (1861)
• 15 двароў, 160 жыхароў (1886)
• 12 двароў, 59 жыхароў (1921)
• 35 двароў, 175 жыхароў (1940)
• 200 гаспадарак, 523 жыхары (1997)
• 215 гаспадарак, 532 жыхары (2005)

Памятныя мясціны

• Сядзіба Гутоўскіх (XVIII—XIX стст.), на паўднёва-заходняй ускраіне
• Курганны могільнік усходніх славян перыяду ранняга сярэднявечча (XI—XII стагоддзі), за 2,5 км на паўночны ўсход —  Гісторыка-культурная каштоўнасць Беларусі, шыфр 113В000097

Літаратура

• Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — 544 с. — 10 000 экз. — ISBN 985-11-0035-8. — ISBN 985-11-0169-9 (т. 10).
• Гарады і вёскі Беларусі: Энцыклапедыя ў 15 тамах. Т. 3, кн. 1. Брэсцкая вобласць / пад навук. рэд. А. І. Лакоткі. — Мн.: БелЭн, 2006. ISBN 985-11-0373-X.

Спасылкі

• На Вікісховішчы ёсць медыяфайлы па тэме Малыя Зводы
• Малыя Зводы на сайце Глобус Беларусі (руск.)