Абязлесенне

Абязлесенне ў бразільскім штаце Мараньян, Амазонія

Абязлесенне — працэс звядзення лясоў і выкарыстанне былых лясных земляў для іншых відаў гаспадарчай дзейнасці: пад ворыва, пашу, гарадскую забудову і інш. У найбольшай ступені працэсам закранутыя трапічныя лясы Зямлі. Сёння лясы пакрываюць каля 31 % сушы.

Паводле ацэнак Брытанскага абаронцы навакольнага асяроддзя Нормана Маерса, 5% абязлесення прыпадае на выпас жывёлы, 19% адбываецца з-за лесанарыхтовак, 22% — з прычыны пашырэння плантацый алейнай пальмы, а 54% — з-за падсечна-агнявога земляробства. У найбольш адсталых драўніна (у тым ліку і перапрацаваная ў драўняны вугаль) выкарыстоўваецца ў якасці паліва, пераважна для прыгатавання ежы. Лясы знішчаюцца і падчас ваенных дзеянняў з мэтай пазбавіць супраціўніка рэсурсаў і прыкрыцця.

Найбольш праблема абязлесення закранае краіны, што развіваюцца, з нізкім ВУП на душу насельніцтва.

Высечка лясоў без наступнага іх узнаўлення руйнуе прыродную экасістэму, прыводзіць да страты біяразнасцайнасці; а таксама, да арыдызацыі клімату. Маса вугляроду, што заключана ў дрэвах, хмызах, лістоце, вызваляецца ў паветра у выглядзе вуглякіслага газу і ўзмацняе парніковы эфект. Абязлесеная тэрыторыя, часта безабаронная перад воднай эрозіяй, можа імкліва ператварыцца ў бедленды.