Стывен Кінг

Стывен Кінг
Stephen King
Асабістыя звесткі
Імя пры нараджэнні	Стывен Эдвін Кінг
Псеўданімы	Рычард Бахман Джон Свіфен
Дата нараджэння	21 верасня 1947(1947-09-21)[…] (76 гадоў)
Месца нараджэння	Портленд, штат Мэн, ЗША
Грамадзянства	ЗША
Бацька	Donald Edwin King[d]
Маці	Nellie Pillsbury[d]
Жонка	Tabitha King[d]
Дзеці	Joe Hill[d], Owen King[d] і Naomi King[d]
Альма-матар	Lisbon High School[d] (1966) Мэнскі ўніверсітэт (1971) Hampden Academy[d] Lisbon Falls High School[d]
Месца працы	Hampden Academy[d]
Прафесійная дзейнасць
Род дзейнасці	Раманіст Аўтар кароткіх аповядаў Сцэнарыст Журналіст Акцёр Тэлевізійны прадзюсар Рэжысёр
Гады творчасці	з 1959
Жанр	Жахі Эпісталярная проза Гатычны раман Постапакаліпсіс Трылер Навуковая фантастыка
Мова твораў	англійская
Грамадская дзейнасць
Партыя	Дэмакратычная партыя ЗША
Член у	Rock Bottom Remainders[d] Writers Guild of America, East[d]
Прэміі	Нацыянальная кніжная прэмія[d] (2003) Bram Stoker Award for Novel[d] (2006) Bram Stoker Award for Best Non-Fiction[d] (2000) Bram Stoker Award for Novel[d] (2008) Bram Stoker Award for Novel[d] (1996) прэмія О. Генры[d] (1996) Shirley Jackson Award for Single-Author Collection[d] (2015) World Horror Convention Grand Master Award[d] Shirley Jackson Award[d] Hammett Prize[d]
Узнагароды	прэмія Эдгара Алана По (2007) Grand Prix de l'Imaginaire[d] (1997) Bram Stoker Awards[d] (2003) Bram Stoker Awards[d] (2000) Bram Stoker Awards[d] (2011) прэмія Эдгара Алана По (2015) прэмія Эдгара Алана По (2016) Grand Prix de l'Imaginaire[d] (2002) Goodreads Choice Awards[d] (2019) Hugo Award for Best Related Work[d] (1982)
Подпіс
stephenking.com
Творы ў Вікікрыніцах
Медыяфайлы на Вікісховішчы
Цытаты ў Вікіцытатніку

Стывен Эдвін Кінг (англ.: Stephen Edwin King; 21 верасня 1947, Портленд, штат Мэн, ЗША) — амерыканскі пісьменнік, працуе ў жанрах жахаў, трылера, фантастыкі і містыкі.

Некаторыя творы апублікаваў пад псеўданімамі:

• Рычард Бахман (англ.: Richard Bachman) — кнігі «Лютасць», «Доўгі шпацыр», «Дарожныя працы», «Беглы чалавек», «Які худнее», «Рэгулятары» і «Блейз»;
• Джон Свіфен (англ.: John Swithen) — толькі аповяды.

Біяграфія

Калі Стывену было 2 гады, яго бацька выйшаў з хаты за папяросамі і не вярнуўся. Ягоны лёс так і застаецца загадкай. Пасля Стывен выпадкова знайшоў на гарышчы сшыткі — літаратурныя спробы бацькі.

Кінг пачаў кар’еру пісьменніка ў студзені 1959 года, калі разам са старэйшым братам вырашыў выдаваць мясцовую газету.

У 1962 ён надрукаваў 18 малых апавяданняў ў зборніку «Людзі, месцы і стварэнні — Том I» (іншая назва «Людзі, месцы і рэчы — Том 1», бо слова «Things» можа перакладацца па рознаму. Праз год была надрукаваная другая частка кнігі «Зорныя Захопнікі» («The Star Invaders»).

У 1966 Кінг скончыў сярэднюю школу і паступіў ва ўніверсітэт штата Мэн. Там ён пазнаёміўся са сваёй будучай жонкай — Табітай Спрус. У 1970 скончыў ўніверсітэт са ступенню бакалаўра, і яго прызналі нягодным да вайсковай службы. Першы час сям’я жыла на адзін заробак Кінга ў пральні, студэнцкі заробак жонкі і нешматлікія ганарары Кінга за друк яго апавяданняў у часопісах. У гэты час у іх нарадзіліся сын і дачка.

Увосень 1971 Кінг пачаў працаваць настаўнікам англійскай мовы ў школе горада Хэмпдэн (штат Мэн). Ягоная жонка знайшла ў сметніцы чарнавы варыянт раману «Кэры», які Стывен палічыў няўдалым і прымусіла дапісаць яго.

У 1974 выдавецтва «Doubleday» выдае раман «Кэры», за які Кінг атрымаў аванс 2500 $. Пасля выдавецтва прадала аўтарскія правы на «Кэры» Новай амерыканскай бібліятэцы за 400 000 $, палову з якіх атрымлівае Кінг. Гэта дазволіла яму кінуць працу ў школе. Увосень 1974 Кінг пераязджае ў Боўлдэр, штат Каларада. Тут ён жыве год і працуе над раманам «Ззянне».

Напрыканцы 1970-х Кінг пад псеўданімам «Рычард Бахман» выдаў свой раман «Змірыцца з гэтым» пад назвай «Лютасць».

У 1982 з’яўляецца кніга «Стралок» — першы раман з цыкла «Цёмная Вежа».

У 1989 Кінг падпісаў кантракт з выдавецтвам «Вікінг», згодна з якім мусіў атрымаць 35 млн $ за чатыры наступныя кнігі, але ў 1997 разарваў яго, бо планаваў атрымаць 17 млн $ за кнігу «Мех з косткамі». Дзеля гэтага ён падпісвае новы кантракт з выдавецтвам «Сайман энд Шустэр», па якім атрымлівае 8 млн $ авансу і 50% прыбытку ад продажу.

У 1999 Кінга збіла машына. Пісьменнік атрымаў сур’ёзныя пашкоджанні. Гэты выпадак ён апісаў у сваіх успамінах («Як пісаць кнігі») і ў сёмай частцы «Цёмнай Вежы».

У 2004 годзе выходзіць апошняя частка эпапеі «Цёмная вежа», якая, паводле абяцання пісьменьніка, павінна стаць яго апошняй работай. Але Кінг не стрымлівае абяцанне і працягвае публікаваць кнігі.

У 2009 годзе Стывен Кінг нарэшце апублікаваў раман «Пад купалам», які ён два разы беспаспяхова спрабаваў напісаць у 1970-х і 1980-х гадах.

У 2011 выйшаў раман «11/22/63». У 2012-м выйшаў восьмы том цыкла пра Цёмную Вежу, «Вецер скрозь замочную свідравіну». Таксама Кінг напісаў раман «Краіна радасці» (Joyland), і раман «Доктар Сон», працяг рамана «Ззянне», які выйшаў у верасні 2013 года.

Пераклады на беларускую мову

На беларускую мову не перакладаўся.

«Згубленыя»

Кінг з’яўляецца прыхільнікам тэлесерыяла «Згубленыя» і напісаў артыкул серыял для газеты «Entertainment Weekly». Чуткі пра тое, што Кінг напісаў звязаную з серыялам кнігу «Злавесны блізнюк» пад псеўданімам Гары Траўп, не пацвердзіліся.

Спасылкі

• На Вікісховішчы ёсць медыяфайлы па тэме Стывен Кінг
• Афіцыйны сайт пісьменніка (англ.)
• Stephen King’s Keynote Address