Раман Данілавіч

Раман Данілавіч
князь луцкі ? — 1254
князь новагародскі 1254 — 1258
Нараджэнне	каля 1230
Смерць	1258 ці 1260
Род	Рурыкавічы
Бацька	Даніла Галіцкі
Маці	Ганна Мсціслаўна[d]
Жонка	Гертруда Аўстрыйская[d]
Дзеці	Васілька і Міхаіл Данілавіч
Дзейнасць	манарх

Раман Данілавіч (каля 1230(?) — 1258 або 1260) — князь луцкі (да 1254), князь новагародскі (1254—1258). Чацвёрты сын галіцкага караля Данііла Раманавіча.

Біяграфія

У 1252 годзе па дагаворы з венгерскім каралём Белам IV Данііл ажаніў свайго сына, луцкага князя Рамана, з пляменніцай аўстрыйскага герцага Фрыдрыха Бабенберга, дачкой яго брата Генрыха, Гертрудай (пам. 1299). Гертруда была спадчынніцай аўстрыйскага прастола, што дало права Раману выказаць прэтэнзіі на Аўстрыю і Штырыю.

Чэшскі каралевіч Отакар, які яшчэ ў канцы 1251 года ўступіў з войскам у Аўстрыю, прымусіў аўстрыйскіх баронаў абраць яго герцагам. Отакар лічыў, што мае некаторыя дынастычныя правы на аўстрыйскі прастол, паколькі Гертруда была першы раз у шлюбе з яго братам Уладзіславам, які памер у 1247 годзе. У лютым 1252 года Отакар афіцыйна замацаваў сваё становішча ў Аўстрыі, ажаніўшыся з пажылой ужо Маргарытай Бабенберг, старэйшай сярод сясцёр памерлага герцага, якая была да таго ж яшчэ і ўдавой германскага караля Генрыха VII Гогенштаўфена.

Неўзабаве Раман быў абложаны большымі сіламі чэшскага караля Отакара ў размешчаным непадалёк ад Вены замку Гімберг. Пераканаўшыся, што справа Рамана прайграна, венгерскі кароль Бела IV сам пачаў прэтэндаваць на тыя аўстрыйскія землі, што яшчэ заставаліся пад уладай Гертруды. У канцы 1253 года Раману прыйшлося спешна бегчы з Аўстрыі.

У 1254 годзе Раман атрымаў ад літоўскіх князёў Міндоўга і Войшалка Новагародак, а таксама Слонім і іншыя гарады ў Панямонні.

Пасля яцвяжскага паходу (1254—1255) і сутыкненні пад Луцкам у 1255 годзе, напярэдадні сумеснага татарска-галіцкага паходу на Літву (1258),цi непасрэдна ў час яго, Войшалк і Таўцівіл здзейснілі змову і захапілі ў закладнікі Рамана Данілавіча, а затым забілі. Паводле iншых версiй Раман Данiлавч памер у 1260 або ў 1288 годзе.

Ізяслаў Мсціславіч Уладзіміра-Валынскі

Мсціслаў Ізяславіч, князь кіеўскі

Агнэс, прынцэса германская, дачка Конрада III

Раман Мсціславіч Уладзіміра-Валынскі

Баляслаў III Крывавусты

Агнешка Баляславаўна

Саламея, графіня Берг

Данііл Галіцкі

Андронік Дука Ангел

Ісак II Ангел

Ефрасіння Кастаманітыса

Ганна

Ірына

Раман Данілавіч Галіцкі

Расціслаў Мсціславіч Смаленскі

Мсціслаў Расціславіч Храбры

Мсціслаў Мсціславіч Удатны

Глеб Расціславіч, князь разанскі

Феадосія Глебаўна, князёўна разанская

Ефрасіння Расціслаўна, князёўна ўладзіміра-суздальская, дачка Расціслава Юр'евіча

Ганна Мсціслаўна, князёўна смаленская

Сутой, палавецкі хан

Кацян Сутоевіч

Марыя, дачка палавецкага хана

Літаратура

• Галицко-Волынская летопись. Под ред. Н. Ф. Котляра — СПб: «Алетейя», 2005. — 424 с.
• Котляр Н. Ф. Даниил, князь Галицкий — СПб: «Алетейя»; Киев: «Птах», 2008. — 320 с.