Касцёл Найсвяцейшай Дзевы Марыі (Ліпск)

Каталіцкі храм
Касцёл Святой Марыі
52°49′54″ пн. ш. 26°05′37″ у. д.
Краіна	Беларусь
Месцазнаходжанне	Ліпск
Канфесія	Каталіцызм
Епархія	Пінская дыяцэзія
Архітэктурны стыль	эклектыка
Дата пабудовы	1910
Стан	дзейнічае
Медыяфайлы на Вікісховішчы

Касцёл Святой Марыі — мураваны каталіцкі храм у в. Ліпску Ляхавіцкага раёна Брэсцкай вобласці.

Гісторыя

Пабудаваны ў 1910 г. з цэглы як філіяльны на тэрыторыі Ляхавіцкай парафіі па фундацыі графа Патоцкага і намаганнямі ксяндза К.Ваньковіча. Быў пашкоджаны ў час Першай сусветнай вайны. Адноўлены намаганнямі ксяндза М.Каладзея.

Архітэктура

Архітэктура манументальнага збудавання эклектычная, спалучае рысы барока, класіцызму, асобныя элементы ракако. Буйнамаштабны храм узведзены на ўзор трохнефавай базілікі з бакавымі сакрысціямі. У пластычным вырашэнні фасадаў вялікую ролю адыгрывалі руставаныя лапаткі і фігурныя панэлі. Вертыкальным акцэнтам прамавугольнага ў плане храма з боку галоўнага фасада з’яўлялася неабарочная чатырохгранная вежа-званіца з фігурным купалам і шпілем у завяршэнні. Яна была ўстаноўлена на шырокай тэрасе з балюстрадай па перыметры і дэкаратыўнымі вазамі па вуглах. Над карнізам галоўнага фасада размяшчаўся лучковы франтон, аконныя праёмы такой жа формы чаргаваліся з авальнымі люкарнамі.

• 
  Касцёл у 1914 г.
• 
  Касцёл у 1915 г.
• 
  Касцёл у 1915 г.
• 
  Касцёл у 1917 г.
• 
  Касцёл у 1917-1918 г.

Гл. таксама

• Ляхавіцкі дэканат

Літаратура

• Кулагін А. М. Каталіцкія храмы Беларусі: Энцыкл. даведнік / А. М. Кулагін; фатограф А. Л. Дыбоўскі. — 2-е выд. — Мн.: БелЭн, 2008. — 488 с.: іл.

Спасылкі

• Ліпск — парафія Маці Божай на Catholic.by