Бром

Бром

Бром (лац.: Bromum) Br — хімічны элемент VII групы перыядычнай сістэмы; атамны нумар 35. Адносіцца да галагенаў. Адкрыты ў 1826 годзе Антуанам Жэромам Баларам.

Цяжкая чырвона-бурая вадкасць з моцным непрыемным пахам. Атамная маса 79,904, шчыльнасць 3102 кг/м³. Тэмпература плаўлення: -7,2 °C. Тэмпература кіпення: 58,8 °C.

Прыродныя крыніцы

Па ўтрыманні ў зямной кары займае 50-е месца сярод усіх элементаў. З-за высокай хімічнай актыўнасці сустракаецца толькі ў выглядзе злучэнняў. Здабываецца пераважна з марской вады і расолаў саляных азёраў.

Прымяненне

Прымяняецца ў хімічнай прамысловасці для атрымання розных бромістых соляў і арганічных злучэнняў (лекавых прэпаратаў, слёзатачывага газу), у фатаграфічным працэсе.

Літаратура

• Болсун А. Н. Краткий словарь физических терминов / Сост. А. И. Болсун. — Мн.: Вышэйшая школа, 1979. — С. 45. — 416 с. — 30 000 экз. (руск.)

Спасылкі

• На Вікісховішчы ёсць медыяфайлы па тэме Бром