Уладзімір Андрэевіч Арлоўскі: Розніца паміж версіямі
Новая старонка: '{{архітэктар}} {{цёзкі2|Арлоўскі}} '''Уладзімір Андрэевіч Арлоўскі''' (нар. {{ДН|17|10|1939}}, г. п. Бя...' |
(Няма розніцы)
|
Версія ад 13:08, 9 лістапада 2019
Уладзімір Андрэевіч Арлоўскі | |
---|---|
Дата нараджэння | 17 кастрычніка 1939 (84 гады) |
Месца нараджэння | |
Грамадзянства | |
Альма-матар | |
Месца працы | |
Партыя | |
Член у | |
Узнагароды |
Уладзімір Андрэевіч Арлоўскі (нар. 17 кастрычніка 1939, г. п. Бялынічы, Магілёўская вобласць) — беларускі архітэктар.
Біяграфія
Скончыў у 1957 годзе архітэктурнае аддаленне Мінскага будаўнічага тэхнікума. У 1957—1958 гадах працаваў у Магілёўскім філіяле «Белдзяржпраекта» старэйшым тэхнікам, архітэктарам. Пераведзены на працу ва Упраўленне па будаўніцтве і архітэктуры Магілёўскага аблвыканкама, дзе працаваў са снежня 1958 года архітэктарам, а з 1966 года начальнікам аддзела грамадзянскага і прамысловага будаўніцтва.
У 1969 годзе скончыў факультэт горадабудаўніцтва Усесаюзнага завочнага інжынерна-будаўнічага інстытута ў Маскве, у 1970 і 1986 гадах навучаўся на агульнасаюзных курсах павышэння кваліфікацыі спецыялістаў па горадабудаўніцтве пры Маскоўскім архітэктурным інстытуце.
У 1971—2000 гадах працаваў намеснікам начальніка Упраўлення па будаўніцтве і архітэктуры Магілёўскага аблвыканкама. Выйшаў на пенсію.
Пражывае ў Магілёве па пр. Міру, 25а.
Грамадская дезйнасць
Член Саюза архітэктараў СССР з 1980 года, пасля — Беларускага саюза архітэктараў.
Абіраўся членам рэвізійнай камісіі Беларускага саюза архітэктараў і старшынёй рэвізійнай камісіі Магілёўскай абласной арганізацыі саюза архітэктараў. Актыўна працаваў у архітэктурнай секцыі Магілёўскай абласной арганізацыі Добраахвотнага таварыства аховы помнікаў гісторыі і культуры.
Творчасць
Аўтар генпланаў г. Шклова (1966), г. п. Краснаполле (1971), праекта жыллёва-грамадзянскага будаўніцтва Беларускага цэментавага завода ў г. Касцюковічы (1978) і інш. Арганізоўваў распрацоўку горадабудаўнічай дакументацыі па Магілёўскай вобласці і правядзенне архітэктурных конкурсаў.
Узнагароды
Узнагароджаны медалямі «За доблесную працу. У адзначэнне 100-годдзя з дня нараджэння У. І. Леніна», «Ветэран працы», «60 гадоў Перамогі ў Вялікай Айчыннай вайне 1941−1945 гг.», «65 гадоў Перамогі ў Вялікай Айчыннай вайне 1941−1945 гг.».
- Нарадзіліся 17 кастрычніка
- Нарадзіліся ў 1939 годзе
- Нарадзіліся ў Бялынічах
- Выпускнікі Мінскага дзяржаўнага архітэктурна-будаўнічага каледжа
- Супрацоўнікі Магілёўграмадзянпраекта
- Супрацоўнікі Камітэта па архітэктуры і будаўніцтве Магілёўскага аблвыканкама
- Члены КПСС
- Члены Саюза архітэктараў СССР
- Члены Беларускага саюза архітэктараў
- Члены Беларускага добраахвотнага таварыства аховы помнікаў гісторыі і культуры
- Узнагароджаныя медалём «60 гадоў Перамогі ў Вялікай Айчыннай вайне 1941-1945 гг.»
- Узнагароджаныя медалём «65 гадоў Перамогі ў Вялікай Айчыннай вайне 1941-1945 гг.»
- Узнагароджаныя медалём «Ветэран працы»
- Асобы
- Архітэктары паводле алфавіта