Падка́меншчык звычайны (Cottus gobio) — рыба сямейства керчакавых. Народныя назвы аўдотка, бычок, галавач, пундач, пячкур, шыракалобка.
Апісанне
Даўжыня 8—10, часам да 12 см. Галава масіўная, пляскатая. Вочы чырванаватыя, на верхнім баку галавы. Цела з цёмнымі плямамі. Спінных плаўнікоў 2 (першы меншы за другі).
Экалогія
На Беларусі трапляецца ў рэках і ручаях з хуткім цячэннем і камяністым дном, у многіх азёрах Беларускага Паазер’я. Хаваецца пад камянямі (адсюль назва). Нераст у канцы красавіка — маі. Гнёзды з ікрой і малявак ахоўвае.
Значэнне
Непрамысловая рыба.
Літаратура
Падкаменшчык // Беларуская ССР: Кароткая энцыклапедыя. Т. 2. — Мн.: БелСЭ. 1979.