Юрый Аляксандравіч Якімовіч

Юрый Аляксандравіч Якімовіч
Дата нараджэння	13 кастрычніка 1946(1946-10-13)
Месца нараджэння	Мінск, БССР, СССР
Дата смерці	7 лютага 1994(1994-02-07) (47 гадоў)
Месца смерці	Віцебск, Віцебская вобласць, Беларусь
Грамадзянства	Беларусь
Альма-матар	БПІ (1969)
Месца працы	Інстытут мастацтвазнаўства, этнаграфіі і фальклору імя Кандрата Крапівы НАН Беларусі Беларуская Энцыклапедыя імя Петруся Броўкі Віцебскі дзяржаўны ўніверсітэт імя П. М. Машэрава
Навуковая ступень	кандыдат архітэктуры (1979)
Член у	Саюз архітэктараў СССР Беларускі саюз архітэктараў

Юрый Аляксандравіч Якімовіч (нар. 13 кастрычніка 1946, Мінск — 7 лютага 1994) — беларускі гісторык архітэктуры, педагог. Кандыдат архітэктуры (1979).

Біяграфія

Скончыў у 1969 годзе Беларускі політэхнічны інстытут. Працаваў з 1969 года ў Інстытуце мастацтвазнаўства, этнаграфіі і фальклору АН Беларусі, з 1980 года ў выдавецтве «Беларуская Савецкая Энцыклапедыя» імя П. Броўкі, загадчык рэдакцыі. 3 1986 года ў Віцебскім педагагічным інстытуце (дацэнт з 1988).

Член Саюза архітэктараў СССР з 1971 года. З 1986 года пражываў у г. Віцебску.

Навуковая дзейнасць

Даследчык гісторыі архітэктуры (пераважна дакастрычніцкі перыяд), гісторыі беларускага драўлянага дойлідства ХVI—XIX стст., творчасці мастакоў 19 ст. (Н. Орды, Ю. Пешкі, Дз. Струкава і інш.). Вылучыў школы Палескага драўлянага дойлідства, паказаў асаблівасці іх развіцця ў XVII—XIX стст. Аўтар артыкулаў у часопісах, энцыклапедычных даведніках, у «Зборы помнікаў гісторыі і культуры Беларусі», «Гісторыі мастацтва народаў СССР» (т. 9, М., 1982), «Гісторыі беларускага мастацтва» (т. 1, Мн., 1987) і інш. Зрабіў асобныя рэканструкцыі сядзібна-палацавых і замкавых пабудоў XVI—XVII стст.

Творы

• Драўлянае дойлідства Беларускага Палесся : XVII–XIX стст. / Ю. А. Якімовіч. – Мінск : Навука i тэхнiка, 1978. – 151 с.;
• Зодчество Белоруссии XVI — середины XVII в. : справ. пособие / Ю. А. Якимович. – Минск : Навука i тэхнiка, 1991. – 367 с.
• Помнікі мураванага грамадзянскага дойлідства Віцебска XIX – пачатку XX ст. : навукова-папулярнае выданне / Ю. А. Якімовіч. – Минск : Полымя, 1990. – 45 с.;
• Сілуэты старога Віцебска : гісторыка-краязнаўчая экскурсія / Ю. А. Якімовіч ; [рэд., падрыхт. рук. да друку Л. У. Хмяльніцкая]. – Мінск : Нацыянальная бібліятэка Беларусі, 2019. – 239 с.
• Беларуская архітэктура ў малюнках Напалеона Орды // Мастацтва Беларусі. – 1983. – № 7;
• Віцебскія школы дойлідства / Ю. Якімовіч // Віцебскі сшытак : гіст. навук.-папул. альманах / гал. рэд. Л. Хмяльніцкая. – Віцебск, 2019. – Вып. 6. – С. 80–85.
• Дайшоў праз стагоддзі / Ю. Якімовіч // Віцебскі сшытак : гіст. навук.-папул. альманах / гал. рэд. Л. Хмяльніцкая. – Віцебск, 2019. – Вып. 6. – С. 77–79.
• Дворцово-парковый ансамбль в Лынтупах / Ю. Якимович // Віцебскі сшытак : гіст. навук.-папул. альманах / гал. рэд. Л. Хмяльніцкая. – Віцебск, 2019. – Вып. 6. – С. 63–76.
• Деревянное зодчество Белоруссии // Дерево в архитектуре и скульптуре славян: пер. с фр. – М., 1987;
• 3 віленскай калекцыі // Мастацтва Беларусі. – 1989. – № 11;
• Каштоўны дакумент па гісторыі беларускай графікі і архітэктуры XVIII ст. (разам з Р. В. Баравым) // Помнікі культуры: Новыя адкрыцці. Мн., 1985;
• Магілёўскі архітэктурны дэкор XIX — пачатку XX ст. // Мастацтва Беларусі. 1986. № 6;

Літаратура

• Якімовіч Юрый Аляксандравіч // Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.
• Якімовіч Юрый Аляксандравіч. PRO MEMORIA // Віцебскі сшытак : гіст. навук.-папул. альманах / гал. рэд. Л. Хмяльніцкая. – Віцебск, 2019. – Вып. 6. – С. 61–62.
• Якимович Юрий Александрович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)