Універсітэт імя Яна Длугаша ў Чэнстахове

Гуманітарна-прыродазнаўчы ўніверсітэт імя Яна Длугаша ў Чэнстахове
польск.: Uniwersytet Humanistyczno-Przyrodniczy im. Jana Długosza w Częstochowie
Арыгінальная назва	польск.: Uniwersytet Humanistyczno-Przyrodniczy im. Jana Długosza w Częstochowie
Міжнародная назва	Jan Dlugosz University in Czestochowa
Заснаваны	1971
Тып	педагагічны ўніверсітэт
Рэктар	Ганна Выпых-Гаўронская
Рэктар	Anna Wypych-Gawrońska[d]
Студэнты	5 500
Размяшчэнне	Чэнсахова
Юрыдычны адрас	вул. Вашынгтона 4/8, 42-217 г. Чэнстахова, Польшча
Сайт	ujd.edu.pl
Медыяфайлы на Вікісховішчы

Гуманітарна-прыродазнаўчы ўніверсітэт імя Яна Длугаша ў Чэнстахове (польск.: Uniwersytet Humanistyczno-Przyrodniczy im. Jana Długosza w Częstochowie) — польская дзяржаўная вышэйшая навучальная ўстанова педагагічнага профілю са статусам універсітэта, якая знаходзіцца ў Чэнстахове.

Агульная характарыстыка

Заснаваны ў 1971 годзе як Вышэйшая настаўніцкая школа ў Чэнстахове. З 2004 года носіць імя Яна Длугаша.

Універсітэт мае права выдаваць дыпломы аб заканчэнні першай (бакалаўр), другой (магістр) і трэцяй (доктар) ступеняў вышэйшай адукацыі. З красавіка 2007 года рашэннем Цэнтральнай камісіі па пытаннях ступеняў і званняў мае права праводзіць хабілітацыю па гуманітарных навуках (гісторыя).

Універсітэт мае 6 факультэтаў, уключае 15 інстытутаў і 64 падраздзяленні і кафедры. У ім працуюць больш за 650 чалавек, у тым ліку каля 450 навукова-педагагічных работнікаў, з якіх 35 - прафесары. Ва ўніверсітэце навучаецца больш за 5 тысяч студэнтаў (стацыянарныя, завочныя і паслядыпломныя формы навучання) па больш чым 40 напрамках і 34 праграмах паслядыпломнай адукацыі.

Факультэты

• Гуманітарны
• Грамадскіх навук
• Права і эканомікі
• Дакладных, прыродазнаўчых і тэхнічных навук
• Навук аб здароў'і
• Мастацтваў

Спасылкі

• На Вікісховішчы ёсць медыяфайлы па тэме Універсітэт імя Яна Длугаша ў Чэнстахове
• Афіцыйная інтэрнэт-старонка ўніверсітэта