Беларускі дзяржаўны тэхналагічны ўніверсітэт

Беларускі дзяржаўны тэхналагічны ўніверсітэт (БДТУ)
Дэвіз	Працай, ведамі, навукай.
Заснаваны	1930
Тып	Дзяржаўны
Рэктар	Ігар Вітальевіч Войтаў
Размяшчэнне	Беларусь, Мінск
Юрыдычны адрас	220006, Мінск, вул. Свярдлова, 13а
Узнагароды
Сайт	by.belstu.by
Медыяфайлы на Вікісховішчы

Беларускі дзяржаўны тэхналагічны ўніверсітэт — вышэйшая навучальная ўстанова па падрыхтоўцы тэхнолагаў.

Студэнцкі гарадок БДТУ

Гісторыя

Заснаваны ў 1930 годзе ў Гомелі як лесатэхнічны інстытут на базе факультэта лясной гаспадаркі Беларускай сельскагаспадарчай акадэміі. З 1945 года ў Мінску, з 1961 года называўся Беларускі тэхналагічны інстытут, з 1993 года ўніверсітэт. У 1995/96 гадах навучанне вялося па наступных факультэтах: лесагаспадарчы (з 1993 года выкладанне вялося на беларускай мове), тэхналогіі і тэхнікі лясной прамысловасці, тэхналогіі арганічных рэчываў, хімічнай тэхналогіі і тэхнікі, завочны, павышэння кваліфікацыі, па рабоце з замежнымі студэнтамі; падрыхтоўчае аддзяленне. Навучанне дзённае і завочнае. Аспірантура з 1949 года, дактарантура з 1988 года. Працаваў універсітэт беларускай мовы, гісторыі і культуры (з 1991 года). Выдаецца газета «Тэхнолаг».

У лабараторыях БДТУ

Факультэты

• Лесагаспадарчы факультэт
• Факультэт тэхналогіі і тэхнікі лясной прамысловасці
• Факультэт тэхналогіі арганічных рэчываў
• Факультэт хімічнай тэхналогіі і тэхнікі
• Факультэт прынттэхналогій і медыякамунікацый (выдавецкай справы і паліграфіі)
• Інжынерна-эканамічны факультэт
• Факультэт інфармацыйных тэхналогій

Рэктары

• Арцемій Кузьміч Лабасёнак (1939—1941)
• Андрэй Карпавіч Пятруша (1944—1953)
• Фёдар Трафімавіч Касцюковіч (1953—1962)
• Віктар Яўграфавіч Віхроў (1960—1972)
• Уладзімір Сяргеевіч Раманаў (1973—1987)
• Іван Міхайлавіч Жарскі (1987—2016)
• Ігар Вітальевіч Войтаў (з 2016)

Літаратура

• Беларускі тэхналагічны ўніверсітэт // Беларуская энцыклапедыя: У 18 т. Т. 2: Аршыца — Беларусцы / Рэдкал.: Г. П. Пашкоў і інш. — Мн. : БелЭн, 1996. — Т. 2. — 480 с. — 10 000 экз. — ISBN 985-11-0035-8. — ISBN 985-11-0061-7 (т. 2).

Спасылкі

• На Вікісховішчы ёсць медыяфайлы па тэме Беларускі дзяржаўны тэхналагічны ўніверсітэт
• Сайт універсітэта