Ян Пятроўскі: Розніца паміж версіямі
[дагледжаная версія] | [дагледжаная версія] |
дапаўненне, удакладненне, выява |
др папраўка спасылкі |
||
Радок 26: | Радок 26: | ||
== Спасылкі == |
== Спасылкі == |
||
* |
* {{Спасылка | аўтар = | прозвішча = | імя = | аўтарlink = | cуаўтары = | год = | url = http://pawet.net/library/o_reflections/000/%D0%9F%D0%BB%D1%8F%D1%82%D0%BE%D0%BD.html| загаловак = Дыялёгі Плятона ў перакладах Яна Пятроўскага| фармат = | назва праекту = | выдавецтва = | дата = | мова = | каментар = }} |
||
== Літаратура == |
== Літаратура == |
Версія ад 11:12, 24 студзеня 2021
Ян Пятроўскі | |
---|---|
Асабістыя звесткі | |
Дата нараджэння | 7 студзеня 1905 |
Месца нараджэння | |
Дата смерці | 19 студзеня 2001 (96 гадоў) |
Месца смерці | Гейнсвіл (Флорыда, ЗША) |
Грамадзянства | |
Прафесійная дзейнасць | |
Род дзейнасці | перакладчык, пісьменнік |
Мова твораў | беларуская |
Ян Пятроўскі (7 студзеня 1905, Слуцк, Мінская губерня — 19 студзеня 2001) — пратэстанцкі прапаведнік, рэлігійны і культурна-грамадскі дзеяч міжваеннай Заходняй Беларусі і ў эміграцыі, публіцыст, выдавец, рэдактар, пісьменнік і перакладчык.
Біяграфія
Нарадзіўся ў беларускай мяшчанскай сям’і Дзям’яна і Юстыны Пятроўскіх. У розных крыніцах прыводзяцца розныя даты нараджэння, паводле гісторыка Наталлі Гардзіенкі, якая займаецца вывучэннем беларускай эміграцыі, Ян Пятроўскі нарадзіўся 7 студзеня 1905 года.
У 1919 разам з маці і сёстрамі са Слуцка выехаў у Вільню, дзе і застаўся. З 1920-х звязаны з беларускім культурна-грамадскім рухам Заходняй Беларусі. Падтрымліваў кантакты з вучнёўскай моладдзю Віленскай беларускай гімназіі. Прыхільнік Беларускай сялянска-работніцкай грамады. Быў знаёмы з многімі дзеячамі заходнебеларускай культуры. У 1927—1928 гг. хацеў выехаць у БССР, аднак перадумаў. Служыў у Войску Польскім, дзе пазнаёміўся з сябрамі метадысцкай царквы. У канцы 1920-х стаў сябрам пратэстанцкага брацтва. У 1930—1931 гг. вучыўся ў біблейскай школе метадыстаў у Кларысаве, потым быў пастарам у Варшаве. З 1932 жыў і быў прапаведнікам у Дзярэчыне. У 1935 ініцыяваў выданне, а затым быў выдаўцом і рэдактарам беларускамоўнага пратэстанцкага грамадска-рэлігійнага і літаратурнага часопіса «Светач Хрыстусовае навукі». Аўтар брашуры «Нядзельная школа, яе сутнасць і гісторыя» (1937).
Падчас Другой сусветнай вайны ў 1941 г. выехаў у Германію, браў удзел у працы Беларускага камітэта самапомачы ў Берліне. Працаваў у арганізацыі «Вінета», кіраваў групай беларускіх перакладчыкаў, якая дзейнічала ў Берліне пры выдавецтве Міністэрства прапаганды Трэцяга Рэйха. Апрацаваў у 1942 годзе з А. Калошам і В. Камароўскім «Нямецка-беларускі слоўнік» (27 тыс. слоў), які аднак не быў выдадзены. У 1944 годзе ў Берліне выдаў Нямецка-беларуска-расейска-польскі слоўнік, пра выхад якога паведамлялася ў газеце «Раніца». № 185—186. Па словах а. Надсана, Ян Пятроўскі быў мабілізаваны ў фольксштурм, бо меў жонку «асобу нямецкай дзяржаўнай прыналежнасці».
У канцы 2-й сусветнай вайны выехаў у Аўстрыю, у 1945—1953 гг. жыў у Лінцы (Аўстрыя), дзе займаўся прапаведніцкай дзейнасцю і выдаваў рэлігійную літаратуру на польскай, беларускай і рускай мовах. З 1953 г. жыў у ЗША. На эміграцыі ўзнавіў выданне евангельска-баптысцкага часопіса «Светач Хрыстовае навукі». У 1976 годзе разам з жонкай Аліцыяй ў г. Гейнсвіл (штат Фларыда) заснаваў Беларускі харытатыўна-адукацыйны фонд з мэтай дапамогі беларусаведным даследаванням і публікацыя матэрыялаў на беларускія тэмы. Адзін з пачынальнікаў беларускага евангельска-баптысцкага руху ў ЗША.
З жонкай Аліцыяй (памерла ў 1992) мелі двух сыноў: Джорджа і Гэры[1].
Пераклаў на беларускую мову і выдаў 7 тамоў выбраных твораў старажытнагрэчаскага філосафа Платона. Падрыхтаваў і выдаў класічны «Грэцка-беларускі слоўнік». Таксама аўтар беларускіх перакладаў Марка Аўрэлія, Карла Вільгельма фон Гумбальта. Аўтар «Мемуараў» (т. 1-3, Гейнсвіл, 1983—1997).
Памёр 19 студзеня 2001 года у Гейнсвілі (Флорыда, ЗША).
Зноскі
- ↑ Alice Piotrowski // Gainesville Sun. — Mar 17, 1992. — С. 9.
Спасылкі
Літаратура
- Беларускія рэлігійныя дзеячы XX ст.: Жыццярысы, мартыралогія, успаміны / Уклад. Ю. Гарбінскі. — Мн.-Мюнхен: Беларускі кнігазбор, 1999. ISBN 985-6318-65-3
- LCVA, ф. 51, воп. 7, спр. 746;
- Кіпель В.;
- Пятроўскі Я.;
- Веснік БДУ. 1997. № 1.
- Літаратурны рух на эміграцыі / Лявон Юрэвіч. — Мінск, 2002.
- Чыгрын С. Любіў Беларусь і філасофію // Ніва № 1 (2538), 2 студзеня 2005 г.
- Энцыклапедыя гісторыі Беларусі. У 6 т. Т. 6, кн. 1. — Мінск, 2001.
- Юрэвіч, Л. Шматгалосы эпісталярыум : гісторыя людзей і ідэй на эміграцыі ў ліставанні / Прадм. і рэд. Н. Гардзіенка. — Мінск: Кнігазбор, 2012. — 660 с. — (Бібліятэка Бацькаўшчыны ; кн. 20). — ISBN 978-985-7007-43-1.