Віктар Аляксандравіч Лягін

Віктар Аляксандравіч Лягін
Род дзейнасці	змагар Супраціўлення
Дата нараджэння	31 снежня 1908(1908-12-31)
Месца нараджэння	Сяльцо, Бранскі павет[d], Арлоўская губерня, Расійская імперыя
Дата смерці	17 ліпеня 1943(1943-07-17) (34 гады)
Месца смерці	Мікалаеў, акруга Мікалаеў[d], Генеральная акруга Мікалаеў[d], Рэйхскамісарыят Украіна, Трэці рэйх
Месца пахавання	Бальшаохцінскія могілкі
Грамадзянства	СССР
Альма-матар	Санкт-Пецярбургскі дзяржаўны політэхнічны ўніверсітэт імя Пятра Вялікага
Член у	Q12123343?
Прыналежнасць	СССР
Бітвы/войны	Вялікая Айчынная вайна
Узнагароды і прэміі
Медыяфайлы на Вікісховішчы

Віктар Аляксандравіч Лягиін (псеўданім — Корнеў, 31 снежня 1908, Сяльцо — 17 ліпеня 1943, Мікалаеў) — савецкі разведчык, капітан, Герой Савецкага Саюза (пасмяротна).

Біяграфія

Нарадзіўся ў сям’і чыгуначніка на станцыі Сяльцо Гасамскай воласці Бранскага павета, Арлоўскай губерні (цяпер аднайменны горад у Бранскай вобласці), дзе пражываў да 1923 года. Пасля заканчэння ў 1934 годзе Ленінградскага політэхнічнага інстытута і атрымання спецыяльнасці інжынера-механіка працаваў інжынерам на Ленінградскай станкабудаўнічым заводзе.

У 1938 годзе быў накіраваны на працу ва Упраўленне НКУС па Ленінградскай вобласці, а затым пераведзены ў Маскву для праходжання службы ў цэнтральным апараце НКВД. З ліпеня 1939 года па чэрвень 1941 года знаходзіўся ў службовай камандзіроўцы ў ЗША.

Вярнуўшыся ў Маскву, Лягін з групай супрацоўнікаў разведкі накіроўваецца ў горад Мікалаеў для арганізацыі разведвальна-дыверсійнай працы супраць нямецкіх акупантаў, узначальвае там дзейнасць падпольнай антыфашысцкай групы «Мікалаеўскі падпольны цэнтр». Група Лягіна ажыццявіла шэраг буйных дыверсій, якія прычынілі нямецкім акупантам вялікую шкоду ў жывой сіле і тэхніцы (знішчыла аэрадром, нафтабазу, склады, абсталяванне заводаў, марскія судны), здабывала і перадавала ў Цэнтр каштоўную разведвальную інфармацыю пра суперніка.

У сакавіку 1943 года быў схоплены пры выкананні задання. На допытах пад катаваннямі не выдаў удзельнікаў групы. 17 ліпеня 1943 года Лягін быў расстраляны.

За ўзорнае выкананне спецыяльных заданняў у тыле праціўніка і праяўленыя пры гэтым адвагу і геройства Віктару Аляксандравічу Лягіну 5 лістапада 1944 года пасмяротна прысвоена званне Героя Савецкага Саюза.