Наш край (часопіс)

НАШ КРАЙ, краязнаўчы часопіс, які выдаваўся Цэнтральным Бюро краязнаўства пры Інстытуце Беларускай культуры з кастрычніка 1925 да 1929, з лістападу 1930 да студзеня 1933 пад назвай "Савецкая краіна" — у Беларускай Акадэміі навук. Афіцыйным пераемнікам часопіса стаў бюлетэнь "Помнікі гісторыі і культуры Беларусі" (з 1970).

Першы нумар складаўся з 68 старонак, выйшаў тыражом 2 тыс. асобнікаў. Вокладку першага нумару афармляў мастак Эндэ, застаўкі паводле малюнкаў на беларускіх тканінах і ўзораў беларускай драўлянай разьбы — мастак А. Тычына.

Зноскі

---

• У. Кісялёў. Наш папярэднік //Помнікі гісторыі і культуры Беларусі. — № 4. — Мн.: Полымя, 1985. — ISSN 0131-2669. С.36—37.