Альберт Жамет

Альберт Жамет
Імя пры нараджэнні	польск.: Albert Żamett
Дата нараджэння	25 лістапада (7 снежня) 1821
Месца нараджэння	Вільня, Віленскі павет, Літоўска-Віленская губерня, Расійская імперыя
Дата смерці	1877
Месца смерці	Вільня, Віленскі павет, Віленская губерня, Расійская імперыя
Падданства
Грамадзянства	Польшча  Расійская імперыя
Род дзейнасці	мастак
Жанр	пейзаж, інтэр'ер, сцэнаграфія
Вучоба	Імператарская Акадэмія мастацтваў
Мастацкі кірунак	акадэмізм
Вядомыя працы	«Цівалі і яго вадаспады», «Альбанскае возера», «Арка-Скура ў Палерма», «Рымскі Калізей», «Від у ваколіцах Неапаля»
Заступнікі	Бенедыкт Тышкевіч
Член у	Віленская археалагічная камісія
Узнагароды	прэмія рымскай Акадэміі Святога Лукі
Медыяфайлы на Вікісховішчы

Альберт Жамет (7 снежня (25 лістапада) 1821, Вільня  — 1877, Вільня) — віленскі мастак-пейзажыст, сцэнограф.

Біяграфія

Альберт Жамет, Астрашыцкі Гарадок, інтэр’ер сядзібы Тышкевічаў.

Нарадзіўся ў небагатай сям’і віленскага мешчаніна — выхадца з Гумбінена ва Усходняй Прусіі (цяпер Гусеў). Скончыў гімназію ў Вільні. З 1840 года вучыўся ў пецярбургскай Акадэміі мастацтваў, дзе галоўным яго настаўнікам быў прафесар М. Н. Вараб'ёў.

У 1847 годзе на сродкі Бенедыкта Тышкевіча адправіўся ў Італію і прабыў за мяжой да 1859, наведаўшы яшчэ Францыю, Англію і Германію. У 1854 атрымаў ад рымскай Акадэміі святога Лукі прэмію за краявід возера Нэмі. У тым жа годзе за дасланую ў Санкт-Пецярбург карціну «Цівалі і яго вадаспады» (знаходзілася ў вялікага князя Мікалая Мікалаевіча Старэйшага) быў ганараваны звання некласнага мастака, а ў 1859 годзе стаў акадэмікам, у тым ліку і за «Краявід Рока-ды-Папа» (належаў графу Кушалёву-Безбародку).

У 1861—1863 здзейсніў другое падарожжа за мяжу. З 1864 года да сваёй смерці ў 1877 годзе быў дэкаратарам пры віленскім гарадскім тэатры. Акрамя згаданых, лепшыя творы мастака: «Альбанскае возера», «Арка-Скура і розныя віды вілы Бутэр, у Палерма» (у Зімнім палацы), «Рымскі Калізей», «Краявід у ваколіцах Неапаля», «Рымская Кампанья за Порта-Маджорэ» і «Рымскі краявід». Вядомы яго віленскія краявіды, краявіды Грыгішкеса, Раўдондварыса, Тускуланскага паласа (1848), а таксама краявід с домам Тадэвуша Касцюшкі (1847).

Спасылкі

• Albertas Vaitiekus Žametas
• Творы Альберта Жамета ў Нацыянальным мастацкім музеі Літвы