Гарвардскі ўніверсітэт

Гарвардскі ўніверсітэт
Па-англійску	Harvard University
Дэвіз	Veritas (Праўда)
Заснаваны ў	8 верасня 1636
Тып	Прыватны
Прэзідэнт	Дру Гілпін Фаўст
Месца размяшчэння	Кембрыдж, Масачусетс, ЗША
Кампус	Гарадскі 85 га (Галоўны корпус) 8,9 га (Медыцынскі корпус) 145 га (Спартыўны корпус і бізнес-школа)
Бакалаўраў	6 700
Магістраў і дактароў	14 500
Выкладчыкаў	2 100
Колер	Барвовы колер
Афіцыйны сайт	http://www.harvard.edu

Гарвардскі ўніверсітэт (англ.: Harvard University) — адзін з самых вядомых універсітэтаў ЗША і ўсяго свету, знаходзіцца ў горадзе Кембрыдж, штат Масачусетс. Найстарэйшы з універсітэтаў ЗША.

Заснаваны ў 8 верасня 1636 як каледж. 3 1639 носіць імя англійскага пурытанскага святара Джона Гарварда (1607—38), які завяшчаў каледжу палавіну сваёй маёмасці і бібліятэку. Да канца XVIII ст. галоўнае месца ў навучальным працэсе займалі Біблія і старажытныя мовы, у канцы XVIII ст. сталі выкладацца новыя мовы і матэматыка. У 1-й чвэрці ХІХ ст. да каледжа далучаны медыцынскі і юрыдычны факультэты і ён пераўтвораны ва ўніверсітэт. 3 2-й чвэрці ХІХ ст. Гарвардскі ўніверсітэт стаў цэнтрам культуры ЗША.

У складзе ўніверсітэта астранамічная абсерваторыя, выдавецтва (з 1913), музеі (параўнальнай заалогіі, мастацкі, германскіх культур, геалагічны і інш.), бібліятэка — адна з самых вялікіх у свеце (11 млн. тамоў; акрамя цэнтральнага кніжнага збору мае асобныя бібліятэкі — рэдкіх кніг і рукапісаў, медыцынскую, кітайска-японскую і інш.). Факультэты: тэалагічны, гуманітарны і дакладных навук, энергетыкі і прыкладной фізікі, мастацкі, права, медыцынскі, аховы здароўя, дзяржаўнага кіравання, практычнай адміністрацыі, педагогікі. У Фларэнцыі (Італія) створаны інстытут Гарвардскага ўніверсітэта па даследаванні эпохі Адраджэння.

У Гарвардзе працуе каля 2300 выкладчыкаў і вучыцца каля 6650 студэнтаў і 13 тысяч аспірантаў. Эндаўмент (мэтавы капітал) універсітэта складае 34900000000 долараў ЗША.

Выбітныя выпускнікі

• Барак Абама
• Мішэль Абама
• Джэймс Тобін
• Эдвард Тэйлар
• Сэмюэл Сівал
• Майкл Уіглсварт
• Ісароку Ямамота

Літаратура

• Гарвардскі універсітэт // Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — 576 с. — 10 000 экз. — ISBN 985-11-0035-8. — ISBN 985-11-0090-0 (т. 5).