Касмічная праграма «Вояджэр»

«Вояджер» — касмічны зонд.

«Вояджэр-1» загружаны пад абцекацелі перад прымацоўкай яго да ракетаносьбіта

Запуск «Вояджэра-2» на ракеце-носьбіце «Тытан 3Е-Цэнтаўр».

Вояджэр (анг. voyager - вандроўнік) — праект серыі амерыканскіх касмічных апаратаў для даследаванні далёкіх планет Сонечнай сістэмы.

Праект лічыцца адным з самых паспяховых у гісторыі міжпланетных даследаванняў. Абодва «Вояджэра» упершыню перадалі якасныя здымкі Юпіцера і Сатурна, а «Вояджэр-2» упершыню дасягнуў Нептуна і Урана. «Вояджэры» сталі трэцім і чацвёртым касмічнымі апаратамі, якія пакінулі межы Сонечнай сістэмы (першымі двума былі «Піянер-10» і «Піянер-11»).

Апараты серыі «Вояджер» — даволі буйныя машыны. Гэта высакааўтаномныя робаты-зонды, абсталяваныя ўласнымі энэргаўстановамі, ракетнымі рухавікамі, кампутарамі, сістэмамі радыёсувязі, кіраванні і навуковымі прыборамі для даследавання планет, агульнай масай каля 815 кг.

Апараты былі створаныя ў Лабараторыі рэактыўнага руху (анг. Jet Propulsion Laboratory — JPL) НАСА.

Гісторыя стварэння

Ідэя праекту ўпершыню з'явілася ў канцы 60-х гадоў, незадоўга да запуску першых пілатуемых апаратаў да Месяца і апаратаў «Піянер» да Юпітэра.

Першапачаткова планавалася даследаваць толькі Юпітэр і Сатурн. Аднак дзякуючы таму, што ўсё планеты-гіганты ўдала размясціліся ў параўнальна вузкім сектары Сонечнай сістэмы («парад планет»), было магчыма выкарыстанне гравітацыйных манеўраў для аблёту ўсіх вонкавых планет, за выключэннем Плутона. Таму траекторыя палёту была разлічаная зыходзячы з гэтай магчымасці, хоць афіцыйна вывучэнне Ўрана і Няптуна не ўвайшло ў праграму місіі (для гарантаванага дасягнення гэтых планет запатрабавалася бы будаўніцтва даражэйшых апаратаў з больш высокімі характарыстыкамі па надзейнасці).

Пасля таго, як Вояджэр-1 паспяхова выканаў праграму даследавання Сатурна і яго спадарожніка Тытана, было прынята канчатковае рашэнне накіраваць Вояджэр-2 да Урана і Няптуну. Для гэтага прыйшлося злёгку змяніць яго траекторыю, адмовіўшыся ад блізкага пралёта каля Тытана.

Глядзі таксама

• Вояджэр-1
• Вояджэр-2