Публій Вергілій Марон

Вергілій чытае "Энеіду" Аўгусту і Актавіі

Публій Вергілій Марон (лац.: Publius Vergilius Maro, 15 кастрычніка 70 да н.э. — 21 верасня 19 да н.э.) — выбітны старажытнарымскі паэт.

Вергілій нарадзіўся каля сучаснай Мантуі, атрымаў выдатную адукацыю і пачаў пісаць першыя вершы, аднак хутка ў Рыме пачаліся грамадзянскія войны і спынілі яго творую дзейнасць. Вергілій з'ехаў у Рым, дзе пазнаёміўся з Актавіянам Аўгустам і Гаем Цыльніям Мецэнатам. Аўгуст заступаўся за таленавітага Вергілія, а Мецэнат дапамагаў яму грашыма і натхненнем.

Найбольш вядомымі творамі Вергілія з'яўляюцца розныя па тэматыцы "Буколікі", усхваляючыя працу земляроба і сельскае жыццё "Георгікі", а таксама буйны, але няскончаны эпас "Энеіда", у якім ён паказаў шлях легендарнага героя Энея з Троі да Італіі. Па прыкладу "Іліяды" Гамера "Энеіда" лічыцца нацыянальным эпасам рымлян. Ёсць меркаванне, што "Энеіда" магла быць палітычным заказам, таму што Аўгуст быў усыноўлены Цэзарам з рода Юліяў, а Юліі, у сваю чаргу, узводзілі свой род да Энея.