Дроб

Дроб - лік, прадстаўлены як дзель двух лікаў, пры гэтым дзеліва называецца лічнікам, а дзельнік - назоўнікам. У гэтым сэнсе дробам можа лічыцца абсалютна любы лік, таму што любы лік можна прадставіць як дзель, напрыклад, яго самога і 1. Таму пад дробамі, або дробнымі лікамі часта маюць на ўвазе толькі няцэлыя лікі (лікі, што не належаць да мноства цэлых лікаў).

Дроб, прадстаўлены ў выглядзе ${\frac {a}{b}}$, дзе a – лічнік, b – назоўнік, называецца звычайным. Любы рацыянальны лік можна прадставіць у выглядзе звычайнага дробу (што вынікае непасрэдна з вызначэння рацыянальнага ліка).

Шырока ўжываюцца таксама дзесятковыя дробы, якімі прадстаўляюцца дробы з назоўнікам, кратным 10. Дзесятковыя дробы значна зручнейшыя пры выкананні арыфметычных дзеянняў, але з іх дапамогаю можна (без хібнасці) прадставіць толькі некаторыя рацыянальныя лікі. Напрыклад, нават такі просты дроб, як ${\frac {1}{3}}$, можна прадставіць толькі бясконцым перыядычным дробам 0,3333333333...