Антыбіётыкі

Антыбіётыкі (ад стар.-грэч.: Ἀντί — anti — супраць, βίος — bios — жыццё) — рэчывы прыроднага цi паўсінтэтычнага паходжання, якія падаўляюць рост жывых клетак, часцей за ўсё пракарыятычных або найпростых.

Антыбіётыкі прыроднага паходжання часцей за ўсё прадукуюцца акцінаміцэтамі, радзей — неміцэліяльнымі бактэрыямі.

Некаторыя антыбіётыкі аказваюць моцнае падаўляльнае дзеянне на рост і размнажэнне бактэрый і пры гэтым адносна мала пашкоджваюць або зусім не пашкоджваюць клеткі макраарганізма, і таму ўжываюцца ў якасці лекавых сродкаў.

Некаторыя антыбіётыкі выкарыстоўваюцца ў якасці цытастатычных (проціпухлінных) прэпаратаў пры лячэнні анкалагічных захворванняў.