Плаўна

Плаўна — возера ў Докшыцкім раёне Віцебскай вобл.

Плошча 4,02 км&sup24. Найбольшая глыбіня 2 м. Даўжыня 3,45 км. Найбольшая шырыня 1,75 км. Даўжыня берагавой лініі 9,05 км. Аб'ём вады 5,12 млн. м³. Плошча вадазбору 186,5 км².

Знаходзіцца ў басейне р. Сергуч (цячэ праз возера), за 42 км на ўсход ад г. Докшыцы, у межах Бярэзінскага біясфернага запаведніка. Схілы катлавіны невыразныя. Берагі нізкія, забалочаныя, на захадзе сплавінныя. Дно плоскае, сапрапелістае. Востраў плошчай 0,07 км², ёсць сплавінныя астравы. Поўнасцю зарастае падводнай расліннасцю.

Літаратура

• Блакітны скарб Беларусі: энцыклапедыя / рэдкал.: Г. Пашкоў і інш. – Мн., 2007.