Астрамечаўская бібліятэка

Астрамечаўская бібліятэка імя Ф. Ф. Паўленкава — адна з першых на Беларусі бясплатных народных бібліятэк. Заснавана ў 1905 г. у вёскі Астрамечава (Брэсцкі раён) на сродкі фонду кнігавыдаўца Ф. Ф. Паўленкава. Бібліятэкарам быў настаўнік Астрамечаўскага народнага вучылішча А.П.Зянкевіч. Камплектавалася беларускай, рускай і замежнай літаратурай. У 1908 г. мела больш за 1000 кніг, абслугоўвала 240 чытачоў. У час Першай сусветнай вайны спыніла дзейнасць. Адноўлена ў канцы 1920-х г.; у 1934 г. закрыта польскімі ўладамі. З 1946 г. сельская бібліятэка імя Паўленкава. Кніжны фонд больш за 11 000 адзінак захавання (1 студзеня 1996).