Манама

Горад Манама Краіна Бахрэйн Каардынаты 26°13′ пн. ш. 50°35′ у. д. Заснаваны 1345 Плошча 30 км² Водныя аб’екты Персідскі заліў Насельніцтва ▲297 502 чал. (2012) Афіцыйны сайт capital.gov.bh Манама на карце Бахрэйна

Медыяфайлы на Вікісховішчы

МАНАМА (араб. المنامة‎‎, Al-Manāmah) — самы вялікі горад у Бахрэйне, сталіца краіны. 162 000 жыхароў (2001), што складае чацьвёртую частку агульнай колькасці насельніцтва Бахрэйну.

Манама ўзгадваецца ў ісламскіх хроніках з 1345 года. Была заваявана ў 1521 годзе партугальцамі, пасля пкрсамі ў 1602 годзе. З 1783 году была пад уладай дынастыі Аль Каліфаў. У 1958 годзе Манама была абвешчаная вольным портам, а ў 1971 годзе стала сталіцай незалежнага Бахрэйну.

Эканамічная база Манамы ідэнтычная базе ўсяго Бахрэйну — здабыча і перапрацоўка нафты, будаўніцтва караблёў, рыбалоўства. Манаму абслугоўвае міжнародны аэрапорт на востраве Аль-Мухарак, з горадам яго злучае шаша, якая пракладзеная па дамбе. У Манаме знаходзіцца і ўніверсітэт Бахрэйну, які распачаў сваю дзейнасць у 1986 годзе.

Раней Манама існавала як адзін з раёнаў Бахрэйну, а з 3 ліпеня 2002 году ўвайшла ў склад адной з пяці губерняў (Сталічная губерня).

Клімат пераходны ад трапічнага да субтрапічнага; сярэдняя тэмпература студзеня 16 °C, жніўня 31 °C, ападкаў выпадае каля 90 мм у год.