Персей Македонскі

Персей (213—162 да н.э.): цар македонскі (179—168 да н.э.). Апошні з цароў Старажытнай Македоніі.

Сын Філіпа V і Палікратыі, ён, як і бацька, быў заўзятым праціўнікам Рыму. Эўмен II, цар пергамскі, выступіў у Рыме (172 да н.э.) супраць Персея. Вырашальную перамогу над Персеем узяў пад Піднай (168 да н.э.) рымскі ваеначальнік Эмілій Павел. Персея прымусілі прайсці сярод палонных у час трыумфу Эмілія Паўла. Памёр у зняволенні, у Альба-Фуцэнцыі.

Верагодных выяваў Персея, відаць, не захавалася. Мармуровую галаву, якую раней лічылі яго партрэтам, відаць, трэба лічыць партрэтам Філіпа III.