Сапатэкі

Сапатэкі — індзейскі народ у Мексіцы. Расселены ў штаце Аахака і ў некаторых раёнах штатаў Ч'япас, Герэра, Веракрус. Колькасць - каля 450 тыс. чал. Па рэлігіі фармальна - каталікі, але захоўваюць традыцыйныя вераванні. Сапатэкі не маюць адзінай этнічнай самасвядомасці, метысаваныя, здаўна мелі кантакты з народамі міхе, соку, хуаве, чанталь, выпрабавалі іх уплыў.

Мова

Мова - сапатэк, адносіцца да сапатэцкай групы ота-мангскай моўнай сям'і. Дыялекты: паўднёвы горны, паўночны горны, раўнінны.

У старажытнасці ў сапатэкаў існавала ўласная сапатэцкая пісьменнасць (не дэшыфраваная). У цяперашні час сапатэкі карыстаюцца лацінкай на аснове іспанскай арфаграфіі.

Побыт

Асноўныя заняткі - паліўное земляробства (маіс, бабовыя, гарбузовыя, збожжавыя, цукровы трыснёг, агародныя культуры), рыбалоўства, жывёлагадоўля (буйная і дробная рагатая жывёла, коні, свінні, птушка), рамёствы (гарбарнае, ткацтва).

Паселішчы (пуэбла) розныя: густанаселеныя, з густанаселеным цэнтрам і прылеглымі хутарамі, з раскіданай планіроўкай. Жыллё - аднакамернае, квадратнае, глінабітнае, драўлянае, дах - чатырохсхільны, саламяны. Кухня - па-за домам.

Адзенне - агульнамексіканскага тыпу. Жанчыны павязваюць галаву хусткай накшталт турбан або шырокім шалікам, што спускалецца да плячэй.

Спасылкі

• Дзяржавы сапатэкаў і міштэкаў

Гісторыя, культура і мастацтва сапатэкаў