Ампір

Ампі́р (ад фр.: empire — «імперыя») — стыль позняга (высокага) класіцызм а ў архітэктуры і прыкладным мастацтве. Узнік у Францыі падчас праўлення імператара Напалеона I; развіваўся на працягу трох першых дзесяцігоддзяў XIX стагоддзя; змяніўся эклектычнымі плынямі.

Для ампіра ўласцівы масіўныя аб'ёмы, кантраст сцен з дэкаратыўнымі дэталямі, стылізаваны арнамент, знешняя параднасць, вытанчаная дэкаратыўная пластыка. Выкарыстоўваліся старажытнарымскія і старажытнаэгіпецкія дэкаратыўныя формы (крылатыя сфінскы, ваенныя трафеі і інш.).

Творы дэкаратыўна-прыкладнога мастацтва, выкананыя ў стылі ампір, вызначаюцца статычнай маналітнай формай, з якой кантрастуе пластыка-дэкаратыўнае аздабленне ў выглядзе арнаментальных уставак.

• 
  Вандомская калона, Парыж
• 
  Арка Карузель, Парыж
• 
  Казанскі сабор, Санкт-Пецярбург
• 
  Трыўмфальныя вароты, Масква
• 
  Калона Нельсана, Лондан

• 
  Трон Напалеона
• 
  Крэсла з Луўра
• 
  Настольны гадзіннік
• 
  Аздабленне палаца ў Фантэнбло
• 
  Егіпецкі сервіз Віван-Дэнона

Глядзіце таксама

• Ампірная мода

Літаратура, спасылкі

• Александр Спельц. Орнаменты Ампира. — 1924. Иллюстрации
• Bourgeois E. Le style Empire, ses origines et ses caractères. P., 1930.
• Некрасов А. И. Русский ампир. М., 1935.
• Культуралогія: Энцыкл. даведнік / Уклад. Э. Дубянецкі. Мн.: БелЭн, 2003. ISBN 985-11-0277-6