Бітва за Дняпро

Бітва за Днепр (1943) — шэраг наступальных аперацыяў Чырвонай арміі пад час Вялікай Айчынай вайны, у выніку якіх ад нямецкіх акупантаў быў вызвалены шэраг гарадоў украінскага Падняпроўя, у тым ліку Кіеў.

11 жніўня 1943, пасля паражэння ў Курскай бітве, немцы пачалі будаўніцтва ўмацаванняў, г. зв. «Усходняга валу», што меў мэтаю спыніць наступ савецкіх войск. Галоўную частку Усходняга вала складала рака Днепр.

Наступ савецкіх войск, які меў мэтаю вызваленне левабярэжнай Украіны і захоп плацдармаў на правым беразе Дняпра, пачаўся 26 жніўня 1943 году. У ноч на 21 верасня савецкія войскі фарсіравалі Днепр каля вусця ракі Прыпяць, і да канца верасня, пераадолеўшы найбольш умацаваную частку Усходняга вала, захапілі 23 плацдармы на правым беразе Дняпра.

12 кастрычніка пачаўся другі этап бітвы, працягам якой былі вызваленне Запарожжа (14 кастрычніка), Днепрапятроўска (25 кастрычніка), Кіева (6 лістапада). Планы нацыстаў па стабілізацыі лініі фронта на Дняпры былі сарваныя. Поспех бітвы за Днепр стаў перадумоваю наступу на правабярэжную Украіну і Крым.