Прынстанскі ўніверсітэт

Прынстанскі ўніверсітэт
Файл:Герб Прынстанскага ўніверсітэта.gif
Па-англійску	Princeton University
Дэвіз	лац.: Dei sub numine viget руск.: Пад Божай уладай квітнее
Заснаваны ў	1746
Тып	прыватны
Прэзідэнт	Шырлі Тылгман
Месца размяшчэння	Прынстан, Нью-Джэрсі, ЗША 40°20′33″ пн. ш. 74°39′21″ з. д.
Кампус	прыгарадны, 200 га
Студэнтаў	7 592
Бакалаўраў	5 113
Магістраў і дактароў	2 479
Выкладчыкаў	1 172
Колеры	Аранжавы і чорны
Талісман	Тыгр
Афіцыйны сайт	www.princeton.edu

Прынстанскі ўніверсітэт (англ.: Princeton University) — прыватны ўніверсітэт, адзін з найстарэйшых і самых вядомых універсітэтаў у ЗША. Уваходзіць у Лігу плюшчу і з'яўляецца адным з самых прэстыжных ВНУ краіны. Знаходзіцца ў горадзе Прынстан, штат Нью-Джэрсі.

Гісторыя

Заснаваны ў 1746 годзе як Каледж Нью-Джэрсі (анг. College of New Jersey). Стаў чацвёртым каледжам брытанскіх паўночнаамерыканскіх калоній. Першыя заняткі праходзілі ў доме заснавальніка універсітэта сьвятара Джонатана Дзікінсана ў горадзе Нью-Брансуік. Пераехаў у горад Прынстан У 1756 годзе.

Прынстан згуляў прыкметную ролю ў падзеях Амерыканскай рэвалюцыі: подпіс яго рэктара Джона Уізерспуна стаіць пад Дэкларацыяй незалежнасці; шостая частка ўдзельнікаў Канстытуцыйнага канвента былі выпускнікамі Прынстана. У 1877 годзе была заснавана магістратура. Выпускны клас 1879 (часткай якога быў будучы прэзідэнт ЗША Вудра Вільсан) падарыў універсітэту скульптуры двух ільвоў, якія стаялі ля ўваходу ў Насаў-Хол да 1911 года, калі былі замененыя на бронзавыя скульптуры тыграў. У 1896 годзе Прынстан атрымаў статус універсітэта, а ў 1902 годзе яго рэктарам стаў Вудра Вільсан, спрыяў таму, што універсітэт мае сёння такі аўтарытэт.

У 1969 годзе Прынстанскі ўніверсітэт упершыню адкрыў дзверы студэнтам-жанчынам.

Спасылкі

• Афіцыйная старонка ўніверсітэта (англ.)
• Віртуальны тур па тэрыторыі Прынстанскага ўніверсітэта (англ.)