Аднацветка

Аднацветка
Аднацветка аднакветная
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Верасакветныя Сямейства:  Верасовыя Падсямейства:  Monotropoideae Трыба:  Грушанкавыя Род:  Аднацветка
Міжнародная навуковая назва
Moneses Salisb. ex Gray, 1821
Адзіны від
Moneses uniflora — Аднацветка аднакветная
Сістэматыка на Віківідах Выявы на Вікісховішчы ITIS   503869 NCBI   93817 EOL   486756 GRIN   g:7733 IPNI   331307-1 TPL   kew-2372127

Аднацветка (Moneses) — род шматгадовых травяністых раслін сямейства Верасовыя (Ericaceae) (паводле іншай класіфікацыі — грушанкавых (Pyrolaceae)).

Батанічнае апісанне

Вядомы 1 від — аднацветка аднакветная (або аднакветкавая) (Moneses uniflora).

Вышыня расліны 5—17 см. Карэнішча паўзучае. Сцябло голае, тонкарабрыстае, лісце супраціўнае, чаранковае, круглавата-яйцападобнае з клінападобнай асновай, скучанае ў ніжняй частцы сцябла. Кветкі адзіночныя, 5-пялёсткавыя, буйныя, белыя, духмяныя, у пачатку цвіцення паніклыя на верхавінках кветаносаў, Плод — шарападобная гладкая шматнасенная каробачка. Цвіце ў чэрвені—ліпені.

Арэал і экалогія

Аднацветка аднакветная пашырана ва ўмераных і халодных зонах Паўночнага паўшар’я: у таежнай зоне. На тэрыторыі Беларусі — пераважна ў паўночных раёнах. Расце ў яловых і хваёвых лясах (імшыстых і чарнічных), на купінах нізінных і пераходных балот.

Значэнне і выкарыстанне

Дэкаратыўная расліна.

Літаратура

• Сімановіч Л. Аднацветка // Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз. — С. 39.

Спасылкі

• Одноцветка: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)