Адукацыя і выхаванне (часопіс)
| «Адукацыя і выхаванне» | |
|---|---|
| Тып | часопіс |
| Заснавальнік | Міністэрства адукацыі Рэспублікі Беларусь, Нацыянальны інстытут адукацыі |
| Выдавец | Выдавецтва "Адукацыя і выхаванне" |
| Краіна | Беларусь |
| Галоўны рэдактар | Аляксандр Іванавіч Жук — галоўны рэдактар, доктар педагагічных навук, прафесар |
| Мова | беларуская, руская |
| Перыядычнасць | штомесяц |
| Галоўны офіс | 220004, Мінск, вул. Караля, 16. |
| ISSN | 0203-2031 |
«Адукацыя і выхаванне», АіВ (англ.: Education and Upbringing, ням.: Bildung und Erziehung, руск.: Образование и воспитание) — беларускі навукова-тэарэтычны і інфармацыйна-метадычны часопіс.
Выдаецца з 1992 года штомесяц. Заснавальнікі — Міністэрства адукацыі Рэспублікі Беларусь, Нацыянальны інстытут адукацыі. Выдавец — выдавецтва «Адукацыя і выхаванне». Спярша выходзіў на беларускай, рускай, англійскай і нямецкай мовах. Цяпер выходзіць на беларускай і рускай.
Мэтавай аўдыторыяй з’яўляюцца навукова-педагагічныя работнікі, арганізатары і кіраўнікі навучальна-выхаваўчага працэсу ва ўстановах адукацыі, педагогі-практыкі.
Часопіс уваходзіць у Пералік навуковых выданняў Рэспублікі Беларусь для апублікавання вынікаў дысертацыйных даследаванняў.
У часопісе друкуюцца матэрыялы, якія адлюстроўваюць сучасны стан і тэндэнцыі развіцця педагагічнай навукі і адукацыйнай практыкі, асвятляецца перадавы айчынны і замежны вопыт. Асноўныя тэматычныя напрамкі — дзяржаўная палітыка ў сферы адукацыі і навукі, навукова-тэарэтычныя, метадалагічныя і метадычныя асновы функцыянавання і развіцця нацыянальнай сістэмы адукацыі і выхавання, падрыхтоўка і атэстацыя навуковых і навукова-педагагічных работнікаў і педагагічных кадраў, дзейнасць і развіццё агульнаадукацыйнай школы, рэалізацыя бесперапыннага выхавання дзяцей і навучэнскай моладзі ў Рэспубліцы Беларусь і інш.
Спасылкі[правіць | правіць зыходнік]
- Афіцыйная старонка часопіса Архівавана 7 студзеня 2017.
