Айгарс Калвітыс

Айгарс Калвітыс
лат.: Aigars Kalvītis
прэм’ер-міністр Латвіі[d] 2 снежня 2004 — 20 снежня 2007
Папярэднік	Indulis Emsis[d]
Пераемнік	Іварс Годманіс
дэпутат Сейма Латвіі[d] 7 лістапада 2006 — 16 лістапада 2006
дэпутат Сейма Латвіі[d] 20 снежня 2007 — 2 красавіка 2009
Нараджэнне	27 чэрвеня 1966(1966-06-27) (55 гадоў) Рыга, Латвійская ССР, СССР
Бацька	Эдмунд Калвітыс
Маці	Вэлта Калвітэ
Жонка	Крыстына Калвітэ
Партыя	Народная партыя[d]
Адукацыя	Латвійскі сельскагаспадарчы ўніверсітэт Латвійскі ўніверсітэт
Дзейнасць	палітык, бізнесмэн, эканаміст
Узнагароды
Айгарс Калвітыс на Вікісховішчы

А́йгарс Ка́лвітыс (лат.: Aigars Kalvītis) (нарадзіўся 27 чэрвеня 1966, Рыга) — латвійскі палітык, прэм’ер-міністр Латвіі ў 2004—2007 гг.

Скончыў Латвійскі сельскагаспадарчы ўніверсітэт у 1992 па спецыяльнасці «эканоміка». З 1992 па 1998 гг. Калвітыс рабіў менеджарам у розных сферах, звязаных з сельскаю гаспадаркай.

У 1997 г. стаў адным з заснавальнікаў Народнай партыі Латвіі (Tautas Partija).

У 1998 г. упершыню абраны ў парламент Латвіі. У 1999—2000 гг. — міністр сельскай гаспадаркі. У 2000—2002 гг. — міністр эканомікі. У 2002 г. Калвітыс зноў абраны дэпутатам парламенту і ўзначаліў фракцыю Народнай партыі.

28 кастрычніка 2004 г. латвійскі парламент адправіў у адстаўку правацантрысцкі (складаўся з членаў «Саюза зялёных і сялян», Народнай партыі і Латвійскай першай партыі) ўрад на чале з Індулісам Эмсісам.

24 лістапада 2004 г. прэзідэнтка Латвіі Вайра Віке-Фрэйбэрга даручыла Айгарсу Калвітысу стварэнне новага кабінету міністраў.

2 снежня 2004 г. парламент зацвердзіў урад Айгарса Калвітыса — адзінаццаты з моманту абвяшчэння незалежнасці Латвіі ў 1991 г. Кааліцыйны ўрад сфарміравалі чатыры правыя сілы — Народная партыя, «Новы час», Першая партыя і Саюз зялёных і сялян. Гэтыя партыі кантралююць 70 з 100 галасоў у Сейме.

У апазіцыі засталіся праварадыкалы з аб’яднання «Айчына і Свабода — Рух за Нацыянальную Незалежнасць Латвіі» і тры партыі, што прадстаўляюць інтарэсы рускамоўнага насельніцтва.

У выніку ўрадавага крызісу Калвітыс сышоў з пасады прэм’ер-міністра 5 снежня 2007 г., канчаткова перадаўшы свае паўнамоцтвы Іварсу Годманісу 20 снежня.

Спасылкі

• На Вікісховішчы ёсць медыяфайлы па тэме Айгарс Калвітыс
• Народная Партыя Латвіі