Аксана Аляксееўна Данільчык

Аксана Аляксееўна Данільчык
Аксана Аляксееўна Данільчык
Асабістыя звесткі
Дата нараджэння	15 лістапада 1970 (52 гады)
Месца нараджэння	Мінск, БССР, СССР;
Грамадзянства	Беларусь;
Альма-матар	філалагічны факультэт БДУ;
Прафесійная дзейнасць
Род дзейнасці	перакладчыца, паэтка, літаратуразнаўца, пісьменніца
Мова твораў	беларуская
Грамадская дзейнасць
Член у	Саюз беларускіх пісьменнікаў;

Аксана Аляксееўна Данільчык (нар. 15 лістапада 1970, Мінск) — беларуская паэтэса, перакладчыца, літаратуразнаўца.

Біяграфія[правіць | правіць зыходнік]

Скончыла філалагічны факультэт БДУ (1993) і аспірантуру пры Інстытуце літаратуры НАН Беларусі (1996). Па стыпендыі Міністэрства замежных спраў Італіі вучылася ў Перуджы. Кандыдат філалагічных навук (2002). .

Творчасць[правіць | правіць зыходнік]

Аўтарка паэтычных зборнікаў «Абрыс Скарпіёна» (1996), «Il Mezzogiorno. Поўдзень» (2006), «Сон, які немагчыма забараніць» (2011), «Блюмэнштрасэ» (электронная кніга, 2018), кніжкі вершаў для дзяцей «Павуцінка на агрэсце» (2005, мастацкае афармленне Вячаслаў Паўлавец). Вершы друкаваліся ў беларускіх перыядычных выданнях, уваходзілі ў калектыўныя зборнікі і анталогіі. У 2019 годзе ў Італіі выйшла кніга вершаў Аксаны Данільчык «Il canto del ghiaccio»^[1] (Aksana Danilčyk. Il canto del ghiaccio. — Edizioni Controluce, 2019; мастацкае афармленне Вячаслава Паўлаўца). Сябра Саюза беларускіх пісьменнікаў (2005—2021).

Удзельнічала ў літаратурных фестывалях і семінарах у Беларусі, Літве, Украіне. Творы А. Данільчык перакладзены на англійскую, італьянскую, рускую, літоўскую, польскую і ўкраінскую мовы. Удзельніца праекта «Начная чытанка» (2007).^[2]

Перакладае з італьянскай мовы, даследуе італьянскую літаратуру і яе ўзаемаадносіны з беларускай (працы «Рэцэпцыя Дантэ ў беларускай літаратуры ХІХ-ХХ ст.», 2006; «Італьянскі рамантызм і патрыятычныя матывы беларускай літаратуры», 2008). Аўтарка шматліках артыкулаў, прысвечаных беларускай і італьянскай літаратурам. Сярод перакладзеных аўтараў — Уга Фоскала, Джакама Леапардзі, Дзіна Кампана, Антонія Поццы, Альда Анараці і іншыя.

Удзельнічала ў стварэнні дакументальнага фільма пра Яўгенію Янішчыц «Небяспечны талент» (2008)^[3].

Разам з Віктарам Жыбулём уклала Анталогію беларускай жаночай паэзіі міжваеннага перыяду «Бліскавіцы» (2017).

Намінантка на прэмію часопіса «Дзеяслоў» «Залаты апостраф» у раздзеле «Паэзія» (2016).

Лаўрэатка прэміі часопіса «Дзеяслоў» «Залаты апостраф» за найлепшую публікацыю ў намінацыі «Паэзія» (2021).

Зноскі

Літаратура[правіць | правіць зыходнік]

Бязлепкіна А. Соннае царства (рэцэнзія на кнігу вершаў «Сон, які немагчыма забараніць»)(недаступная спасылка) // Звязда, 2012, 26 студзеня (№ 16).
Бутырчык Г. Паміж святлом і цемрай (Аксана Данільчык. «Абрыс Скарпіёна». «Мастацкая літаратура», 1996.) // Першацвет, 1997, № 4.
Святлана Уладзіміраўна Калядка «На падмурку знітаваных імпрэсій…»: Нататкі пра кнігу Аксаны Данільчык Архівавана 19 чэрвеня 2013. // Дзеяслоў, 2007, № 5.
Калядка С. У. Індэтэрмінаваны тып лірычнай гераіні ў паэзіі Аксаны Данільчык і Леры Сом // Беларуская сучасная жаночая паэзія : мастацкія канцэпцыі «жаночага шчасця». ‒ Мінск : Беларуская навука, 2010. ‒ С. 115‒146.
Карп А. «Ой вы дзевачкі беларускія»: Бліскавіцы: Анталогія беларускай жаночай паэзіі міжваеннага перыяду / Бібліятэка «Кнігарня пісьменніка» Саюза беларускіх пісьменнікаў. — 2017. — 448 стар. // Літаратурная Беларусь, 2017, 26 мая (№ 5 (129). ‒ С. 2.
Рублевская Л. Бліскавіцы: Открыты десятки новых имен белорусских поэтесс межвоенного периода // «Беларусь сегодня», 2017, 27 июля.
Янішчыц Я. Аксамітавы дожджык надзеі // «Бярозка», 1986, № 10. — С. 28.

Спасылкі[правіць | правіць зыходнік]

Аксана Данільчык: «Каб быць у літаратуры надоўга, трэба мець моцную волю»: інтэрв’ю // «Алеся», 2019, № 7.

[1] ttps://www.controluce.it/notizie/prodotto/il-canto-del-ghiaccio/

[2] ttps://soundcloud.com/svaboda/nr061127-061201-danilcyk

[3] ttps://vimeo.com/32770727

[1]

[2]

[3]