Алгебраічны выраз

Алгебраі́чны вы́раз — матэматычны выраз, які складаецца з літар і лікаў, злучаных знакамі алгебраічных дзеянняў: складання, аднімання, множання, дзялення, узвядзення ў ступень, здабывання кораня.

Віды алгебраічных выразаў

• Рацыянальны алгебраічны выраз адносна некаторых літар не змяшчае іх пад знакам кораня. Напрыклад,

  ${\frac {x^{2}-y+2z}{25+a^{2}}}.$

• Ірацыянальны алгебраічны выраз мае радыкалы (дробныя рацыянальныя ступені). Напрыклад,

  ${\sqrt {x+y}}.$

• Цэлы алгебраічны выраз адносна некаторых літар не змяшчае дзялення на выразы з гэтымі літарамі. Напрыклад,

  $x^{3}(2+b)-3x+c.$

• Калі некаторыя з літар (ці ўсе) лічыць пераменнымі, то такі алгебраічны выраз называецца алгебраічнай функцыяй. Напрыклад, наступная функцыя ад пераменных x і y

  ${\frac {x^{5}-y}{1+{\sqrt {x^{2}+y^{2}}}}}.$

Гл. таксама

• Матэматычная формула

Літаратура

• Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. С. 235.
• Алгебраическое выражение // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.