Алег Іванавіч Аблажэй

Алег Іванавіч Аблажэй
Дата нараджэння	6 мая 1954(1954-05-06)
Месца нараджэння	Лезнявічы, Дзятлаўскі раён, Гродзенская вобласць, БССР, СССР
Дата смерці	18 мая 2016(2016-05-18) (62 гады)
Месца смерці	Вільня, Віленскае гарадское самакіраванне, Літва
Месца пахавання	Лезнявічы
Грамадзянства	Беларусь
Род дзейнасці	мастак, паэт, празаік
Месца працы	Рунь (газета)
Вучоба	Віцебскі дзяржаўны ўніверсітэт імя П. М. Машэрава Вільнюская мастацкая акадэмія
Член у	Саюдзіс Таварыства беларускай культуры ў Літве
Узнагароды

Алег Іванавіч Аблажэй (літ.: Olegas Ablažiejus; 6 мая 1954(1954-05-06), Лезнявічы, Гродзенская вобласць — 18 мая 2016(2016-05-18), Вільня) — беларускі мастак, паэт, празаік.

Біяграфія

Нарадзіўся 6 мая 1954 года ў в. Лезнявічы Дзятлаўскага раёна Гродзенскай вобласці.

Скончыў у 1977 годзе Віцебскі педагагічны інстытут, у 1985 годзе — Віленскі дзяржаўны мастацкі інстытут. Мастацкі рэдактар газеты «Рунь», мастацкі афарміцель дзіцячага часопіса «Лола».

Займаўся жывапісам, акварэллю, станкавай графікай, ілюстраваў кнігі. У яго афармленні ў Беларусі выйшлі творы В. Жуковіча «Гуканне вясны», Д. Бічэль-Загнетавай «Гараднічанка», у Маскве — «Шведскія казкі» Э. Хэмінгуэя, «Сербская паэзія», у Вільні — «Казка пра Султана» і інш. У 1984—1986 гадах у Літве выдадзена серыя канвертаў з партрэтамі літоўскіх дзеячаў, аформленая А. Аблажэем, і серыя паштовак. Маляваў таксама партрэты вядомых дзеячаў, краявіды. Любімая яго тэма — жанчына ў фантастычных строях і проста жанчына. Яго працы выстаўляліся неаднаразова ў Літве, Польшчы, Беларусі, Германіі, Эстоніі, Латвіі.

Прымаў актыўны ўдзел у дзейнасці «Саюдзіса», супрацоўнічаў з беларускімі арганізацыямі Вільні. Член рады Таварыства беларускай культуры, суполкі мастакоў краін Балтыі «Маю гонар».

Пісаў сатырычныя фельетоны для газеты «Рунь».

Памёр 18 мая 2016 года ў Вільні. Пахаваны ў вёсцы Лезнявічы.

Узнагароды

• Медаль «За падзеі 13-га студзеня» (Літва).

Бібліяграфія

• «Сем казак пра каралеўнаў» (1999, на польскай мове).
• «Красамоўнае сэрца». — Мінск: Мастацкая літаратура, 2015. — 71 с.

У зборніках

• Забароненая сукня // Нявеста для Базыля: казкі / уклад. А. Спрынчан. — Мн.: Мастацкая літаратура, 2017. — (Беларуская аўтарская казка).

Літаратура

• Мілаш Л. Аблажэй Алег: Старонкі будучага даведніка // Кантакты і дыялогі. 1999, № 4.