Алег Аляксандравіч Жлутка

Алег Аляксандравіч Жлутка
Род дзейнасці	перакладчык
Дата нараджэння	19 жніўня 1980(1980-08-19) (45 гадоў)
Месца нараджэння	Цярнопальская вобласць, УССР, СССР
Грамадзянства	Беларусь
Месца працы	Беларуская дзяржаўная акадэмія мастацтваў
Альма-матар	Беларускі гуманітарны ліцэй імя Якуба Коласа Беларускі дзяржаўны ўніверсітэт замежных моў

Алег Аляксандравіч Жлутка (19 жніўня 1980, Цярнопальская вобл., Украіна) — беларускі перакладчык.

Біяграфія

Нарадзіўся ва Украіне. Разам з бацькамі пераехаў спачатку ў Віцебск, потым у Мінск. Вучыўся ў Беларускім гуманітарным ліцэі, Мінскім дзяржаўным лінгвістычным ўніверсітэце на спецыяльнасці «англійская і беларуская мова і літаратура». У 1998—2001 гг. быў удзельнікам перфомансаў Тэатру псіхічнай неўраўнаважанасці. У 2002 г. стаў сябрам рэдакцыйнай калегіі часопіса «Nihil». У 2001—2003 гг. выкладаў англійскую мову ў Беларускай акадэміі мастацтваў. У 2002—2007 гг. вучыўся на завочным аддзяленні Беларускай акадэміі мастацтваў па спецыяльнасці «гукарэжысура».

Перакладае з украінскай, англійскай моваў. Публікаваўся на старонках перыёдыкаў «Nihil», «Дзеяслоў», «ПрайдзіСвет» і інш. Аўтар перакладаў твораў Уільяма Бероўза, Сяргея Жадана і інш.

Спасылкі

• Жлутка Алег на сайце Міжнароднага саюза беларускіх пісьменнікаў
• Алег Жлутка, Зводны электроны каталаг бібліятэк Беларусі
• Творы Алега Жлуткі на Беларускай палічцы