Алег Уладзіміравіч Хадыка

Алег Уладзіміравіч Хадыка
Дата нараджэння	1 студзеня 1942(1942-01-01)
Месца нараджэння	Мінск, Генеральная акруга Беларусь, Рэйхскамісарыят Остланд
Дата смерці	11 чэрвеня 2021(2021-06-11) (79 гадоў)
Месца смерці	Мінск, Беларусь
Род дзейнасці	мастацтвазнавец, рэстаўратар, педагог
Месца працы	БНТУ Міністэрства культуры БССР Беларуская дзяржаўная акадэмія мастацтваў
Альма-матар	архітэктурнае аддзяленне будаўнічага факультэта БПІ (1966)
Член у	Саюз мастакоў БССР

Алег Уладзіміравіч Хадыка (1 студзеня 1942, Мінск — 11 чэрвеня 2021, Мінск) — беларускі мастацтвазнаўца, рэстаўратар, педагог.

Біяграфія

Рос без бацькі. Скончыў у 1966 годзе архітэктурны факультэт Беларускага політэхнічнага інстытута.

З 1964 года працаваў выкладчыкам архітэктурнага факультэта Беларускага політэхнічнага інстытута. Трохі пазней стаў супрацоўнікам Міністэрства культуры, займаўся прыцягненнем новых кадраў у рэстаўрацыйную сферу Беларусі.

З 1975 года выкладаў на мастацкім факультэце Беларускага дзяржаўнага тэатральна-мастацкага інстытута. Быў выкладчыкам вядомага беларускага мастака Юрыя Несцярука. У 1981 годзе Алег Хадыка ўнёс уклад у адраджэнне беларускай батлейкі як жанру народнага тэатральнага мастацтва. Прапанаваў стварыць у Смаргонскай кальвінісцкай царкве Музей батлейкі. Яго вучні Алесь Лось і Яўгенія Ліс, студэнты графічнага факультэта БДТМІ, паспяхова рэалізавалі гэтую ідэю.

Алег Хадыка захапляўся мовай ідыш і далучаў да яе сваіх вучняў, у прыватнасці, Аляксандра Астравуха. Уваходзіў у мастацкі савет, які зацвярджаў тэмы, эскізы і выкананне манументальна-дэкаратыўных твораў.

Член Беларускага саюза мастакоў з 1975 года.

Жыў у Мінску. Памёр 11 чэрвеня 2021 года ў Мінску.

Навуковая дзейнасць

Працуе ў галіне тэорыі мастацтва. Выступаў у рэспубліканскім і замежным друку. Асноўныя работы: артыкулы «Адхіленне ў мастацкай творчасці», «Форма і яе імя», «Мысленны эксперымент у мастацкім праектаванні», «Прыгоды на курорце С. Эйзенштэйна», «Аб жанры архітэктурных фантазій».

Асноўныя працы

• Праект рэстаўрацыі замкавага комплексу ў гарадскім паселішчы Мір. Прапанаваў сістэму захавання аб’екта.
• Праект рэстаўрацыі інтэр’ерных роспісаў Свята-Петра-Паўлаўскага сабора.
• Праект рэстаўрацыі Камянецкай вежы
• Праект рэстаўрацыі Лідскага замка

Літаратура

• Хадыка Алег Уладзіміравіч // Беларускі саюз мастакоў: энцыклапедычны даведнік / складальнік Б. А. Крэпак. — Мінск, 1998.

Спасылкі

• Хадыка Алег Уладзіміравіч на сайце анлайн-энцыклапедыі «Беларусь у асобах і падзеях»