Алег Аляксандравіч Шэпель

Алег Аляксандравіч Шэпель
Алег Аляксандравіч Шэпель
старшыня Цэнтральнага праўлення Беларускага таварыства інвалідаў па зроку[d]
Старшыня Паралімпійскага камітэта Беларусі[d]
	з 2001
Нараджэнне	13 ліпеня 1967 (58 гадоў); Ухлясць, Трылесінскі сельсавет, Быхаўскі раён, Магілёўская вобласць, Беларуская ССР, СССР;
Грамадзянства	Беларусь;
Член у	Нацыянальны алімпійскі камітэт Рэспублікі Беларусь;
Адукацыя	Беларускі дзяржаўны ўніверсітэт культуры і мастацтваў;
Месца працы	Беларускае таварыства інвалідаў па зроку; Паралімпійскі камітэт Рэспублікі Беларусь;
Узнагароды	Грамата Прэзідыума Вярхоўнага Савета БССР

Алег Аляксандравіч Шэпель (нар. 13 ліпеня 1967, в. Ухлясць, Быхаўскі раён, Магілёўская вобласць) — беларускі спартсмен, лёгкаатлет і футбаліст (інваспорт), заслужаны майстар спорту СССР, шматразовы чэмпіён Паралімпійскіх гульняў, чэмпіянатаў свету і Еўропы.

Біяграфія

Нарадзіўся 13 ліпеня 1967 года ў вёсцы Ухлясць Быхаўскага раёна Магілёўскай вобласці^[1]. У раннім узросце страціў маці. Бацька з-за прыватных камандзіровак па працы аддаў сына ў Шклоўскую спецыялізаваную школу для дзяцей са слабым зрокам^[2]. Хлопчык захапляўся музыкай, лёгкай атлетыкай з шахматамі^[2].

Скончыў у 1991 годзе Беларускі інстытут культуры^[3].

Завяршыўшы актыўныя выступленні, Шэпель заняўся рэстаранным бізнесам. Ён быў датычны да адкрыцця ўстановы «Ля фантана»^[2].

З 1993 года працуе дырэктарам Цэнтра алімпійскай падрыхтоўкі Беларускага таварыства інвалідаў па зроку. З 2002 года — старшыня Цэнтральнага праўлення Беларускага таварыства інвалідаў па зроку, старшыня Паралімпійскага камітэта Беларусі, член Нацыянальнага алімпійскага камітэта^[1].

У 2017—2020 гадах быў членам Грамадскай палаты Саюзнай дзяржавы Беларусь — Расія^[1].

Быў затрыманы прыкладна ў канцы ліпеня 2025 года разам з дырэктарам віцебскага прадпрыемства "Элект" Аляксандрам Пілатавым. Знаходзіцца ў віцебскім СІЗА^[4].

Скандал са сцягам Расіі

На адкрыцці Летніх Паралімпійскіх гульняў 2016 у Рыа-дэ-Жанэйра разам з беларускай камандай выйшаў Андрэй Фомачкін са сцягам Расіі, чыя каманда была раней у поўным складзе дыскваліфікавана Міжнародным паралімпійскім камітэтам на падставе дакладу Мак-Ларэна, дзе сцвярджалася, што ўжыванне допінгу падтрымлівалася ў Расіі на дзяржаўным узроўні^[5].

Даручэнне пранесці сцяг аддаў кіраўнік Паралімпійскага камітэта Беларусі Алег Шэпель, які быў упэўнены, што расійскіх паралімпійцаў несправядліва не былі дапусцілі да Алімпіяды і вінаватыя ў гэтым ЗША^[2].

Тут бачны почырк Амерыкі. Чаму? Таму што яны спачатку страляюць, а потым ужо давайце разбірацца, можа быць, праз нейкі час папросяць прабачэння, што не мелі рацыі. Гэта ўсюды. Сцэнарый адзін і той жа. Ён настолькі просты і так часта паўтараецца.

Пасля акцыі Алег Шэпель заявіў, што гэта была не палітычная акцыя, а жэст салідарнасці з адхіленымі ад гульняў расійскімі атлетамі^[6]^[2].

Спартыўная кар’ера

У лёгкай атлетыцы ягонымі трэнерамі былі Павел Гойхман, Валерый Каламеец і Ігар Лапшын, у міні-футболе — Анатоль Усенка^[1]. Шэпель стаў пяціразовым чэмпіёнам Паралімпійскіх гульняў: тры залатыя медалі атрымаў у 1988 годзе ў Сеуле (пяціборства, скачок у даўжыню, скачок у вышыню), адзін — у Барселоне 1992 (бег на 400 м), адзін — у Атланце 1996 (скачкі ў вышыню). Чатыры разы станавіўся прызёрам: у Сіднеі 2000 заваяваў бронзу (скачкі ў вышыню, бег на 400 м, эстафета 4×400 м)^[1]^[3].

У 1988—2001 гадах заваёўваў званні сяміразовага чэмпіёна свету і трынаццаціразовага чэмпіёна Еўропы па лёгкай атлетыцы. У 1998 годзе стаў сярэбраным прызёрам чэмпіянату свету (Мадрыд, скачкі ў вышыню). Таксама заваёўваў тытулы чэмпіёна свету (1998, Кампінас, Бразілія) і чэмпіёна Еўропы (2001, Парыж) па міні-футболе^[1]. З’яўляецца шматразовым рэкардсменам свету па лёгкай атлетыцы^[3].

Узнагароды

У 1989 годзе яму было прысвоена званне заслужанага майстра спорту СССР. У 2004 годзе стаў лаўрэатам спецыяльнай прэміі Прэзідэнта Беларусі «Беларускі спартыўны Алімп». У 2014 годзе атрымаў званне «Ганаровы грамадзянін Быхаўскага раёна»^[1].

Шэпель узнагароджаны медалём «За працоўную доблесць», ганаровай граматай Вярхоўнага Савета БССР, ордэнам Дружбы народаў, а таксама ганаровай граматай Міністэрства спорту і турызму Беларусі за вынікі выступлення нацыянальнай зборнай па інваспорце на ХІІ зімовых Паралімпійскіх гульнях 2018 года ў Пхёнчхане^[1].

Крыніцы

↑ ^а ^б ^в ^г ^д ^е ^ё ^ж Шепель Олег Александрович (нявызн.). Олимпийские вершины могилевского спорта. Праверана 29 жніўня 2025.
↑ ^а ^б ^в ^г ^д «Тут виден почерк Америки». Рассказываем про Олега Шепеля, который руководит Паралимпийским комитетом Беларуси 20 лет (руск.). Зеркало (24 лістапада 2022). Праверана 29 жніўня 2025.
↑ ^а ^б ^в Шэпель Алег Аляксандравіч (нявызн.). bykhov.gov.by. Праверана 29 жніўня 2025.
↑ Источники «Зеркала»: Задержан председатель Национального паралимпийского комитета (руск.). Зеркало (29 жніўня 2025). Праверана 29 жніўня 2025.
↑ «Rio Paralympics 2016: Russian athletes banned after doping scandal»
↑ «Жэст салідарнасці». Шэпель пракаментаваў з’яўленне сцяга Расіі на адкрыцці Паралімпіяды

Спасылкі

[:0-1] а ^б ^в ^г ^д ^е ^ё ^ж Шепель Олег Александрович (нявызн.). Олимпийские вершины могилевского спорта. Праверана 29 жніўня 2025.

[:2-2] а ^б ^в ^г ^д «Тут виден почерк Америки». Рассказываем про Олега Шепеля, который руководит Паралимпийским комитетом Беларуси 20 лет (руск.). Зеркало (24 лістапада 2022). Праверана 29 жніўня 2025.

[:1-3] а ^б ^в Шэпель Алег Аляксандравіч (нявызн.). bykhov.gov.by. Праверана 29 жніўня 2025.

[4] Источники «Зеркала»: Задержан председатель Национального паралимпийского комитета (руск.). Зеркало (29 жніўня 2025). Праверана 29 жніўня 2025.

[5] «Rio Paralympics 2016: Russian athletes banned after doping scandal»

[6] «Жэст салідарнасці». Шэпель пракаментаваў з’яўленне сцяга Расіі на адкрыцці Паралімпіяды

[1]

[2]

[3]

[4]

[5]

[6]