Александэр Ісак

З Вікіпедыі, свабоднай энцыклапедыі
Футбол
Александэр Ісак
Агульная інфармацыя
Нарадзіўся 21 верасня 1999(1999-09-21)[1] (24 гады)
Грамадзянства  Швецыя
Рост 192 см
Вага 70 кг
Пазіцыя нападнік
Інфармацыя пра клуб
Клуб Англія Ньюкасл Юнайтэд
Нумар 14
Маладзёжныя клубы
2005—2016 Швецыя АІК
Клубная кар’ера[* 1]
2016—2017 Швецыя АІК 24 (10)
2017—2019 Германія Барусія II (Дортмунд) 12 (5)
2017—2019 Германія Барусія (Дортмунд) 5 (0)
2019 →  Нідэрланды Вілем II 16 (13)
2019—2022 Іспанія Рэал Сасьедад 105 (33)
2022— Англія Ньюкасл Юнайтэд 3 (2)
Нацыянальная зборная[* 2]
2015—2016 Швецыя Швецыя (да 17) 19 (6)
2016—2017 Швецыя Швецыя (да 19) 6 (2)
2016—2018 Швецыя Швецыя (да 21) 7 (0)
2017— Швецыя Швецыя 37 (9)
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 30 лістапада 2022.
  2. ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 30 лістапада 2022
Лагатып Вікісховішча Медыяфайлы на Вікісховішчы

Александэр І́сак (шведск.: Alexander Isak; нар. 21 верасня 1999) — шведскі футбаліст, нападнік англійскага клуба «Ньюкасл Юнайтэд» і нацыянальнай зборнай Швецыі.

Клубная кар’ера[правіць | правіць зыходнік]

Ісак нарадзіўся і гадаваўся ў муніцыпалітэце Сольна, які размяшчаецца ў цэнтральнай акрузе Стакгольма, у сям’і ўцекачоў з Эрытрэі[2].

АІК[правіць | правіць зыходнік]

Ісак дэбютаваў у складзе клуба АІК 28 лютага 2016 года, з’явіўшыся на замену на 75-й хвіліне гасцявога матча Кубка Швецыі супраць клуба «Тэнгульт» з чацвёртага дывізіёна. 7 красавіка 2016 года галоўны трэнер АІК Андрэас Альм уключыў Ісака ў стартавы склад у гасцявым матчы 2-га тура шведскага першынства супраць «Эстэрсунда» разам з маладым нападнікам Карласам Страндбергам. Ісак забяспечыў перамогу сваёй дружыны, трапна адправіўшы мяч у браму саперніка і стаўшы такім чынам самым маладым бамбардзірам АІК у гісторыі шведскага чэмпіянату ва ўзросце 16 гадоў і 199 дзён[3]. 25 красавіка Ісак забіў свой першы гол на хатнім стадыёне клуба, адкрыўшы лік у пераможным матчы супраць «Эльфсборга», які скончыўся з лікам 2:1[4]. 3 мая 2016 года Ісак падпісаў свой першы прафесійны кантракт да канца сезона 2018 года, уразіўшы кіраўніцтва сваімі дэбютнымі гульнямі і замацаваўшы сябе як ігрок рэгулярнага складу[5]. 21 верасня 2016 года ў свой дзень нараджэння футбаліст забіў два крытычна важныя мячы ў пераможным дэрбі супраць «Юргордэна», якое скончылася на карысць АІК з лікам 3:0. Пазней таварыш па камандзе Чынеду Абасі ахарактарызаваў Ісака як новага Златана Ібрагімавіча[6].

«Барусія»[правіць | правіць зыходнік]

23 студзеня 2017 года Ісак склаў дагавор з клубам Бундэслігі дортмундскай «Барусіяй», які павінен была дзейнічаць да лета 2022 года[7]. Кошт трансферу не паведамляўся, але, на думку экспертаў, вагаўся каля 9 млн еўра[8]. Перад тым, як падпісаць кантракт з Дортмундам, Ісак адмовіўся ад прапановы мадрыдскага «Рэала»[9]. Ісак здабыў свой першы медаль у клубе, калі «Барусія» атрымала перамогу ў розыгрышу Кубка Германіі 2016/17, толькі аднойчы з’явіўшыся на турніры і не патрапіўшы ў склад каманды на фінал[10]. Свой дэбютны гол за нямецкі клуб швед забіў у другім раўндзе Кубка Германіі 2017/18 у пераможным матчы супраць «Магдэбурга» 24 кастрычніка 2017 года. Гульня скончылася перамогай дортмундцаў з лікам 5:0[11]. Не здолеўшы прабіцца ў асноўны склад клуба, Ісак быў вымушаны сысці ў арэнду ў нідэрландскі клуб «Вілем II». 28 лютага 2019 года футбаліст забіў гол у браму АЗ, што дапамагло клубу выйсці ў фінал Кубка Нідэрландаў упершыню з 2005 года. Сам сезон апынуўся для іграка надта шыкоўным, гэта значыць Ісак здолеў адзначыцца 14 галамі ў 18 матчах за нідэрландскі клуб.

«Рэал Сасьедад»[правіць | правіць зыходнік]

12 чэрвеня 2019 года Ісак падпісаў пяцігадовую ўгоду з «Рэал Сасьедад» на суму ў 988 тысяч фунтаў стэрлінгаў у год[12]. Адразу ў першым жа матчы швед здолеў забіць гол. У розыгрышы Ла Лігі Ісак забіў свой першы гол 22 верасня 2019 года ў матчы супраць «Эспаньёла», які яго каманда выйграла з лікам 3:1[13]. 6 лютага Ісак забіў два мячы і зрабіў адну галявую перадачу ў чвэрцьфінале Кубка Іспаніі супраць мадрыдскага «Рэала»[14]. 9 лютага ён забіў пераможны гол у басконскім дэрбі супраць «Атлетыка» з Більбаа. Разам з клубам Ісак здабыў кубак краіны. А свайго першага хет-трыку футбаліст дамогся 21 лютага 2021 года ў пераможным матчы лігі супраць «Алавеса», стаўшы першым шведскім іграком, які забіў хет-трык у розыгрышы Ла Лігі, з часоў Генры Карльсана, які зрабіў тое ж самае за мадрыдскі «Атлетыка» ў 1949 годзе[15].

«Ньюкасл Юнайтэд»[правіць | правіць зыходнік]

26 жніўня 2022 года перайшоў у англійскі «Ньюкасл Юнайтэд», падпісаўшы доўгатэрміновы кантракт. Сума трансферу не раскрывалася, але згодна з паведамленнямі СМІ склала больш за 70 млн еўра, што робіць трансфер найдаражэйшым у гісторыі англійскага клуба.

Міжнародная кар’ера[правіць | правіць зыходнік]

Ісак быў выкліканы ў зборную Швецыі ў студзені 2017 года на таварыскія матчы супраць Кот-д’Івуара і Славакіі. Ён дэбютаваў супраць Кот-д’Івуара, замяніўшы Пера Фрыка на 62-й хвіліне матча. У матчы супраць зборнай Славакіі Ісак адзначыўся голам на 19-й хвіліне, стаўшы самым маладым бамбардзірам у гісторыі зборнай.

Дасягненні[правіць | правіць зыходнік]

«Барусія» Дортмунд:

«Рэал Сасьедад»:

Зноскі

  1. ↑ Alexander Isak // Transfermarkt — 2000. Праверана 9 кастрычніка 2017.
  2. ↑ «Jag blir alltid jämförd med Goitom». Sport Bladen.
  3. ↑ «Skrev AIK-historia — yngst någonsin». Sport Bladen.
  4. ↑ «TV: Supertalangens mål framför PL-scouterna». Fotbollskanalen.
  5. ↑ «Talangen förlänger tre år med AIK». Sport Bladen.
  6. ↑ «Alexander Isak hyllas: „Kan bli nya Zlatan…“». Expressen.
  7. ↑ «Borussia Dortmund sign striker Alexander Isak». Borussia Dortmund.
  8. ↑ «Officiellt: Alexander Isak klar för Borussia Dortmund». Fotbollskanalen.
  9. ↑ «Bomben: Isak nobbar Real — här är hans val». Sport Bladen.
  10. ↑ «Här får Isak göra debut i Dortmund». Sport Bladen.
  11. ↑ «SUCCÉN! Alexander Isak målskytt i tyska cupen». Expressen.
  12. ↑ «What is Alexander Isak’s Salary Per Week?». Salary Sport.
  13. ↑ «Real Sociedad prove they mean business with win at Espanyol». Marca.
  14. ↑ «Isak, the boy who rejected Real Madrid, hurt them again with a brace». Marca.
  15. ↑ «Alexander Isak tremålsskytt — gjort mål i sex raka ligamatcher». SVT Sport

Спасылкі[правіць | правіць зыходнік]

Узята з "https://be.wikipedia.org/w/index.php?title=Александэр_Ісак&oldid=4287588"