Алофі (востраў)

Алофі
фр. Alofi
Алафітаі
Характарыстыкі
Плошча	32 км²
Найвышэйшы пункт	417 м
Насельніцтва	0 чал.
Размяшчэнне
14°21′ пд. ш. 178°02′ з. д.
Архіпелаг	Астравы Хорн
Акваторыя	Ціхі акіян
Краіна	Уоліс і Футуна
Алофі
Медыяфайлы на Вікісховішчы

Алофі (фр.: Alofi) — востраў у групе астравоў Хорн. Плошча - 32 км². Сталага насельніцтва няма.

Востраў Алофі знаходзіцца ўсяго ў 1,6 км на паўднёвы ўсход ад вострава Футуна. Паверхня мае часткова каралавае, часткова вулканічнае паходжанне. Мяркуецца, што ў старажытнасці Алофі быў атолам, паднятым над акіянам падчас вывяржэння вулкана. Даўжыня берагавой лініі - 25,4 км. Найвышэйшы пункт - гара Калафау (417 м).

Жыхары Футуны выкарыстоўваюць зямлю на паўночных схілах Калафау для сельскай гаспадаркі. Вырошчваюць трапічныя культуры для ўнутранага забеспячэння і продажу ў Мата-Уту. Агароды наведваюць сезонна. Астатняя частка вострава занята трапічнымі лясамі і горнымі лугамі. Маецца некалькі эндэмічных відаў раслін і птушак.

Спасылкі

• Islands of Wallis and Futuna (France) Архівавана 1 мая 2013.