Альбом Віленскі

«Альбом Віленскі» (фр.: Album de Wilna);(польск.: Album Wileńskie) ― серыя альбомаў літаграфій з відамі Вільні і яе наваколіц, помнікамі архітэктуры, партрэтамі гістарычных дзеячаў Беларусі і Польшчы.

Выданні Альбома[правіць | правіць зыходнік]

Альбомы выходзілі ў 1842 ― 1875 гг. па ініцыятыве віленскага лекара і мецэната Яна Вільчынскага (руск.) (бел. ― у шасці выпусках, неаднолькавых па аб'ёме і фармату, у двух варыянтах ― больш дарагія каляровыя літаграфіі і больш танныя манахромныя^[1].

Мастакі «Альбома Віленскага»[правіць | правіць зыходнік]

Арыгіналамі ілюстрацый сталі каля 350 работ беларускіх, польскіх і рускіх мастакоў, якія жылі ці пабылі ў Літве і Беларусі: Ян Дамель, Міхал Андрыёлі, Канстанцін Кукевіч, Іван Хруцкі, Васіль Садоўнікаў (руск.) (бел., Марцін Залескі і інш. Эстампы з іх прац рабілі парыжскія мастакі-літографы Адольф Лафос (руск.) (бел., Франсуа Грэнье, Адольф Баё (англ.) (бел., Філіп Бенуа (фр.: Philippe Benoist; 1813-1905) і інш. Альбомы друкавала парыжская друкарня Лемерсье^[2].

Сюжэты «Альбома Віленскага»[правіць | правіць зыходнік]

Вялікая колькасць прац ў Альбоме прысвечана Вільні і яе наваколіцам: гэта гарадскія вуліцы, гістарычныя будынкі (універсітэт, сабор св. Станіслава, касцёлы і інш.). Разнастайныя па выкананні партрэты дзяржаўных і грамадскіх дзеячаў ― Стефана Баторыя, Яна Снядэцкага, Станіслава Юндзіла, Барбары Радзівіл, Станіслава Манюшкі, Уладзіслава Сыракомлі і інш. Трэцяя серыя «Віленскага альбома» (1850) ўяўляла дзевяць эстампаў з медных гравюр па малюнках Францішка Смуглевіча на тэмы польскай гісторыі («Прысяга Тадэвуша Касцюшкі на кракаўскім рынку»), («Смерць Хадкевіча»), («Уступленне Баляслава Храбрага ў Кіеў»)^[3].

У Музеі Віленскага ўніверсітэта захоўваецца 163 літаграфіі з Альбома. У віленскай карціннай галерэі адна зала цалкам прысвечана «Альбому Віленскаму»^[4]^[5].

З «Альбома Віленскага»[правіць | правіць зыходнік]

Ян Дамель. Адступленне французскай арміі па Ратушнай плошчы ў 1812 годзе
Кафедральны сабор Святога Станіслава, Вільнюс
Вострая брама
Касцёл Святых Янаў
Абраз Маці Божай Вастрабрамскай
Ян Снядзецкі
Станіслаў Боніфацы Юндзіл
Радавая сядзіба Касцюшкаў у Мерачоўшчыне

Зноскі

↑ Jan Kazimierz Wilczyński (1847). Album wileńskie J. K. Wilczyńskiego, obywatela powiatu wiłkomierskiego (Vilnian Album of J.K. Wilczyński, a citizen of the powiat of Wiłkomierz) [польская].
↑ Album de Vilna. — 1845-1875.
↑ Album Wileńskie Jana Kazimierza Wilczyńskiego (нявызн.).
↑ Музей Вильнюсского ун-та (нявызн.).
↑ Vilniaus tema Jono Kazimiero Vilčinskio leidiniuose (нявызн.)(недаступная спасылка). Vilniaus paveikslų galerijos. Архівавана з першакрыніцы 13 лістапада 2009.

Літаратура[правіць | правіць зыходнік]

Гасюнас В. Из художественных хранилищ // Вільнюс. — Вільня: 1996. — № 6. — С. 98—114. — ISSN 0236-2203.
Pranciškus Smuglevičius ir jo epocha. Vilnius: Vilniaus dailės akademijos leidykla, 1997. — ISSN 1392-0316

Спасылкі[правіць | правіць зыходнік]

[Wilczyński-1] Jan Kazimierz Wilczyński (1847). Album wileńskie J. K. Wilczyńskiego, obywatela powiatu wiłkomierskiego (Vilnian Album of J.K. Wilczyński, a citizen of the powiat of Wiłkomierz) [польская].

[2] Album de Vilna. — 1845-1875.

[3] Album Wileńskie Jana Kazimierza Wilczyńskiego (нявызн.).

[4] Музей Вильнюсского ун-та (нявызн.).

[5] Vilniaus tema Jono Kazimiero Vilčinskio leidiniuose (нявызн.)(недаступная спасылка). Vilniaus paveikslų galerijos. Архівавана з першакрыніцы 13 лістапада 2009.

[1]

[2]

[3]

[4]

[5]