Альбіна Францаўна Аляксандрава
| Альбіна Францаўна Аляксандрава | |
|---|---|
| Дата нараджэння | 2 студзеня 1941 (85 гадоў) |
| Месца нараджэння | |
| Грамадзянства | |
| Род дзейнасці | архівістка, палеограф |
| Месца працы | |
| Альма-матар |
|
| Вядомая як | даследчыца старажытных актаў і сфрагістыкі |
| Узнагароды |
 |
.svg){kind=small}
Альбіна Францаўна Аляксандрава (нар. 2 студзеня 1941, в. Суцін, Пухавіцкі раён, Мінская вобласць) — беларускі архівіст, палеограф.
Біяграфія
[правіць | правіць зыходнік]Нарадзілася 2 студзеня 1941 года ў вёсцы Суцін Пухавіцкага раёна. Скончыла Жалудоцкую сярэднюю школу, у 1964 годзе — філалагічны факультэт Беларускага дзяржаўнага ўніверсітэта[1].
Працоўны шлях пачала настаўніцай. У 1975 годзе перайшла на архіўную працу: займала пасады малодшага, а затым старшага навуковага супрацоўніка ў гаспадарча-разліковым аддзеле Дзяржаўнага архіва Мінскай вобласці[1].
З ліпеня 1978 года працуе ў Цэнтральным дзяржаўным гістарычным архіве БССР (цяпер Нацыянальны гістарычны архіў Беларусі). Працавала малодшым, старшым навуковым супрацоўнікам, галоўным палеографам у аддзелах інфармацыі, публікацыі і навуковага выкарыстання дакументаў, а таксама навукова-даведачнага апарата. Займалася арганізацыяй выкарыстання дакументаў, улікам і камплектаваннем бібліятэкі, перапрацоўкай і ўдасканальваннем вопісаў старажытных актаў, у тым ліку фонду князёў Радзівілаў[1].
З 1991 года ўзначальвала аддзел старажытных актаў НГАБ. У 2003 годзе перайшла на пасаду галоўнага палеографа[1].
Навуковая дзейнасць
[правіць | правіць зыходнік]Шмат увагі надае методыцы распрацоўкі і апісання актавых кніг судовых устаноў XVI—XVIII стагоддзяў, вывучэнню помнікаў сфрагістыкі, публікацыі і папулярызацыі архіўных дакументаў у сродках масавай інфармацыі[1].
Прымала ўдзел у падрыхтоўцы зборнікаў дакументаў гісторыка-дакументальнай серыі кніг «Памяць», навуковага выдання серыі «Беларусь у актавых кнігах XVI—XVIII стст.», працавала ў Навуковай радзе архіва і экспертна-метадычнай камісіі. З’яўляецца адным з аўтараў-складальнікаў даведніка «Фонды Нацыянальнага гістарычнага архіва Беларусі» (2006), удзельнічала ў падрыхтоўцы навуковага зборніка «Тэстаменты другой паловы XVI ст. па матэрыялах актавых кніг НГАБ»[1].
Узнагароды
[правіць | правіць зыходнік]- Нагрудны знак «Ганаровы архівіст Беларусі» (2007)[1].
Бібліяграфія
[правіць | правіць зыходнік]- Пасёлак, дзе мы жывём (з гістарычнага мінулага Жалудка) // Савецкая вёска (г.п. Жалудок). 1981. 3 ліст.
- З успамінаў рэвалюцыянера (да 100‑годдзя І. Е. Любімава) // Ленінскі шлях (Лунінец). 1982. 15 мая.
- Брэгер Герман Максімавіч // Архівісты Беларусі: Біябібліягр. давед. Мн., 2006. С. 74‑75.
- Яцкевіч Зміцер Лявонцьевіч // Архівісты Беларусі: Біябібліягр. давед. Мн., 2006. С. 238‑239.
Крыніцы
[правіць | правіць зыходнік]Літаратура
[правіць | правіць зыходнік]- А. К. Галубовіч. Аляксандрава Альбіна Францаўна // Нацыянальны гістарычны архіў Беларусі — скарбніца дакументальнай спадчыны 1938—2008 / А. К. Галубовіч [і інш.]. — Мінск: НАРБ, 2008. — С. 122-123. — 270 с. — ISBN 978-985-6372-55-4.
- Архівісты Беларусі: біябібліягр. давед. / Склад. С. У. Жумар, М. Ф. Шумейка. — Мн.: БелНДІДАС, 2006. — С. 52-53. — 254 с. — ISBN 985-6733-12-X.